مرحبا ياطنب نجد وياعموده= جيتك للعاصمه جيت سحابي
انت ياسلطان ابو خالد وجوده= جود وسمٍ لاتهشم بالروابي
السعد والعز في شجرة سعوده=ماعليك من الحديا والغرابي
لوتبابي وسط لندن في وعوده= وش يجيب الشط لحزوم السرابي
ابوخاد تنقل الكايد زنوده= تخمر الندر الياحام العقابي
قايد لامن تقدم في جنوده= يظرب العايل على حد العلابي
انعمي يالمملكه وارقي سنوده= طاب سلطان الصخى والجود طابي
لو تناقز في جنابيها زيوده= مايخرعنا حداها والجنابي
دام سلطان الصخى يحمي حدوده= لايهومنك محصنة المخابي
من يعز الدين جعل الله يزوده= والخوارج جعل ابوها للذهابي
عارفين اهل العمايم مع يهوده= يوم حاربهم ابو بكر الصحابي
لو نسب للمصطفى سالف جدوده= وش يجيب محدٍ للاهل الكتابي
سنة الاسلام بالكعبه بنوده= عند حكام الشريعه يالمحابي
عزو الاسلام والعالم شهوده= فوق قب الخيل وظهور الركابي
عارفين البيض ماتشبه لسوده= واعذروني كان قصرت بجوابي