شبكة رهب الأدبية-ريما محمد السديري - مساجله بيني وبين بدرالعرافه

ياهجوسي هيفي بي على قاف القصيد=دام ليلي طال والنوم عدت حزته
بااتسلى باقي الليل في نظم الجديد=ارخي ادليك بعد القراح وجمته
لايجي همٍ على سابق اهمومي يزيد=الهموم اللي بقلبي قديمه كفته
خل سابقها بنومه مدامنه امسيد=لاتزوده شي والا تنكد غفوته
قال هذي منوتك والتمني مايفيد=قلت انا في دبرة اللي علينامنته
قال تبتصبح وليلك يابن يحيانكيد=والله ان تصبح وقلبك يجاهد شطته
وسط قلبك شبت النار والجمرالوقيد=لوتعدل امياه دجله عليها مااطفته
راح هاجوسي بدوره تقل ساعي بريد=معه توريده يسلم واخوك ببصمته
قلت ياوقتي وش اللي تبي واللي تريد=قال انامثلك وشرواك ادورخوته
قلت بالله لامتى وانت في طبعك عنيد=قال انا مثلك وشرواك ادورحسرته
والله ان غيرك من الناس خليته زهيد=كل مازانت حواله عرضت بسكته
قلت ابااعاندك واصبروانا باسي شديد=لارحم رجلن بوجهك يبين ذلته
لاتحسبك في عنادك لمثلي تبتصيد=ولاني اللي من عنادك بتقدرعثرته
لوعلى راسي عنادك تزلزل له رعيد=ماني اللي لاتحاديته اخلف وجهته
والكلام اللي بلا لب طوله مايفيد=والعلوم اللي بلافيد محدن ودته
ولايغمربالهوى واحدن جاله حصيد=ولاخبرت احدن تمنى وحصل منوته
مااتمنى بالتجاره ولامال الوليد=التجاره عزنفس الرجل ومروته
عز نفسي والكرامه غناتي والرصيد=والزمن هذي طبوعه وهذي سهمته
من رجالن ساعة الماقف اللازم تجيد=كل منهم باللوازم اتنومس وقفته
وارثن من جدي الطيب وارثه الحفيد=من قبيلة عز والعز وصلو قمته
ولاني اللي يلحق الناس ذمه والنقيد=لعنبو من يلحق الطيبين بسبته
يكرمون الطيبين الموالي والبعيد=يكرم الطيب ويبقى وتكرم لحيته
راعي الطولات قربه وعرفه يوم عيد=راعي الطولات كلن يدور رفقته
ياعسى يفدى هل الطيب مبدول وبليد=البليد اللي حفت بالنقاده خطوته
الردى راعيه جعله تحت ماطا الحديد=جعل جنزيرالدركتر يلاعب قلته
ياعسى شين المرض معه في دم الوريد=ياعسى سود المنايا تطيح بحروته
ارهي بسب الردي واتعمده اتعميد=جعلها والله عن القاع تمحى جرته
الصباح اقبل وجعله على الطيب سعيد=شع نوره وانتهى الليل واقفت ظلمته
يابدر جتك المعاني وابي منك المفيد=لواناشعرالعرافه مناب بقوته
الشهاده ماني اللي شهدت ابهاوحيد=جعل يفدى القاف الاصلي قصيد الثروته
والختام اعداد مزنن نشى برقه سديد=ياصلاة الله على اللي نهجناسنته

//////مردود///////////=//////////بدر///////////////////

ياقصيدي وين غايب ترى عندي وعيد=لك ثلاث ايام غايب وشنهوسبته
هات لي فكرالملوح وعنتر مع لبيد=والقصايد خلها والقاف جاتك نظمته
استعدي للقلم ياصفحة الشعرالمجيد=واكتبي منه الخيال اللي هجوسي خطته
لك علي من النوادرولك شعرٍفريد=يذهل اصحاب العقول بسبكته وبحبكته
قاف الاعشى وابن ابي سلمى واكررها واعيد=ماضي الشعرالحقيقي رجعت بسبكته
ارتكي لحمول شعري يامرددة النشيد=واسمعي قاف العرافه من جديد بجودته
الخيال اليا انتشر جاله مع اعماقي طريد=واحتديته بالوسوم اللي تبين سطوته
بصمته بين الدرر بصمة امطوعة الضديد=ربعي اللي من نواهم بدا في نكبته
ايه حمران النواضر ايه والفعل اتحديد=ايه كلن يفتخر في ساس ابوه وعزوته
مرحبابالشاعراللي كن قيفانه عديد=جمع جن وجمع انس وقسم من قسمته
شاعرن له فالقصيد الجزل طيات ومعيد=مرحبا والله ببو سطام واغلى ثروته
مرحبا يابن مريح اعداد ماحرك جريد=مرحبا وانتم سنام المجد وانتم ذروته
مرحبا بورودشعرك مرحبا من دون قيد=مرحبا يانرجسية هالقصيد ووردته
القصيد ان مانحتناصخرته وش نستفيد=والكلام ان ماخذينا من جميله زهرته
والمعاني فالسطور امنقشاتن جيد غيد=والبحرماكل سباحن يغوص بغبته
والفكرهذاالفكرياقايد الفكرالشريد=والبحرله موجته حتى النهرله ضفته
انشريها ياصحافه وانشريهاجيد جيد=صفحتن تودع خفوق المستريب بربكته
صفحتن قوقل بحث عنها وجاهدهاجهيد=والرجال اعلومها بين الرجال امثبته
الزمان الياالتوى ماعن مطاليبه عضيد=كود رب الكون خلاق العباد برحمته
كان مافي هاالزمان الا المتاجر والثريد=بشراخبولن تعفن مالهم في صرته
والرجل من دون وجهه مد ايد وكف ايد=والرجال مع الذهب وان جالزومه مدته
الكرام الطيبين اللي لهم مجدن تليد=الزحول اللي صعيب الوقت بالله هدته
والردي وان راح وان حاول فوالله مايحيد=الردى طبعه ولاوالله يغير طرقته
غرته جمرة غضا ثم انسحب يم الجليد=يحسب ان الجمر تمره وضاعت تمرته
من يشب بساس خايب خايبن يبقى خليد=رخمتن لان الولد يتبع موارد شبته
هذي اجبال تغيرعودة في رمل بيد=بس ماتغير طبيعة واحدن واجبلته
اتركه ماللردي كودهجرانه وحيد=واطلب الله رحمته واخذالكلام وزبدته
الغني اللي على طاعة الهه في رغيد=عابدن يتبع الهه فاليان وقسوته
جاك رد القاف يالله عسى الرب الحميد=يلطف بعبده ويعفو عن خطاه وزلته
يوم كلن ينتظرساعة حسابه مايهيد=ياشقين او سعيدن بينت به فرحته
والختام اعداد مايشلع مع الريح ويصيد=ياصلاة الله على منهورضيناملته