استوحش الصمت في غابة اسود الكلام =واصبح اسير القلوب وجرّح احساسها
لوكان عنده لسان يقص صلب العظام=ولا يبني الكلمه الا من على ساسها
لكن عن مايسئ لمن وثق فيـه صام =والناس منطوقها يخبرك باجناسها
كم ليل غازل عيون اهل المحبه ونام = مايدري ان المغازل يسرق نعــاسها
يارب انا تبت عن درب الهوى والغرام = مشـــــاعري فالمحبه تعلن افلاسها
ماعاد بك يا قفص صدر المولع حمام =والارض عرض السما ما يكتم أنفاسها
كم عين فيها كلامٍ مات قبل الفطام =وكم كلمةٍ ضاق خاطرها من (اقواسها)
وكم ليلٍ ابيض من وجيهٍ كشفها الظلام =تصلخ وتطبخ وتشرب من مرق فاسها
لولا وجود اللئام اصلا مايوجد كرام =للصعلكه نــاس والعفّـــه لها ناســــها
لاجف نبع الوفا يلحق ضميرك ملام =وشرهة قلـــوب البشر ترجع لـ عساسها
دنياك مثل الرموح اللي بليا خطام =من كان في ذيلها يصبح على راسها
والصبر ماله نتيجه بعد شد الحزام =ولايدخل المعركه من لا لبس طاسها
والطيب كنز العرب والمجد ذروة سنام =واهل التجــارب تقيّسها بمقياسها

لولا وجود اللئام اصلا مايوجـد كـرام
............ للصعلكه نـاس والعفّـه لهـا ناسهـا

صح لسانك ..
سعيده بأن اكون اول المصافحين لهذا الابداع ..
اقف بصمت امام هذا البوح الراقي ..
سجل اعجابي مع من يقرا هذا النزف الجميل ..
تقديري لك ..

ماعاد بك يا قفص صدر المولع حمـام
...والارض عرض السما ما يكتم أنفاسها
كم عين فيها كلامٍ مـات قبـل الفطـام
...وكم كلمةٍ ضاق خاطرها من (اقواسها)


غلاب بن عايض

صح السانك...

حكم وتشبيه ورووووووعه انت من صاغها
ياسلام عليك...تقبل تحياتي