يابيض الاحلام يكفي منك ماجاني=خيبتي الهقوه الي كنت هاقيها

امسيت اداعب نسيم الليل طرباني=واصبحت ابيع من همومي واشويها

يقطعك ياهاجس الضيقه والاحزاني=حديتني للدروب الي ماادانيها

والعبره الي تذكرني واتنساني=تحدني عزتي لاابدي خوافيها

والبارحه هاجس الضيقه تبناني= وورقا القصايد تلاحيني والاحيها

وسريت ليل القصيد العذب واحفاني= درب المشاريه والذكرى وطاريها

والوجعه الي فرت صدري تحداني=وجيوش صبري تشوشها عزاويها

كله من اسباب غرو هيض اشجاني=هنوف بدوً معربةً مجانيها

اسج في عالمه واتوه بالعاني=واذوب فيها وانا الي رايحً فيها

لو الغلا والوفا يحسب بميزاني=كفت غلاتس قوليلي من يساويها

غلاك عدى غلا بروك واخواني=ياغايه الروح ياخيره بلاوايها

بس القصيده حكي والحكي مجاني=ماينعرف صدقها من صدق راعيها

غلاك ماوصل لبروك واخواني=هاذي الحقيقه خذيها لابغيتيها!!

الغالي
الشاعر
محمد الحماد

وتقبل تحياتي