يا موطني يحميك رب البيت من كيد الحسود=يا موطن البيتين يا مهوى النفوس التايبه
نفديك بالارواح يا مهد الهدى وبها نجود=ما نذخر الارواح من شأن العلوم الصائبه
حنا لحاكمنا وموطنا في الساحه جنود= وما يلحقك يا موطن الامجاد نقص وعايبه
حنا لعبدالله جنود مرابطه دون الحدود= ما فيه معبر في وطنا للطروش السايبه
اللي يردون الكرامه بالتأمر والجحود=عقولهم وافكارهم عن الحقايق غايبه
يا مدورين الشر زرع الشر من طبع اليهود=قلوبكم من حقدهم ومن خناهم شاربه
خذتوا من احقاد الروافض ما يسِّوم بالكبود=المارقين الحاقدين اهل العهود الكاذبه
يا زمرة السوء ابشروا بالنار تلهدكم لهود=بأوكاركم تقتاتكم نار العذاب اللاهبه
تموت يا الحوثى وتبني دون فتنتك السدود=وينسون سيرتك العرب مستعربين وعاربه
اصلك لفارس منتمي مفسد وكذاب وحقود=شمس الحقيقه باينه وعن سماكم غاربه
حنا نجدد عهدنا لله ثم لآل السعود = ونعلن ولانا للملك نعم المليك ونايبه
والنايب الثاني معه ما فيه نكران وصدود = حنا جنود الأمن نجتث الفئات الخايبه
عهد ٍ توارثناه عن أبائنا بعد الجدود = إنا لمن سالم سلام وكل خصم نحاربه
نبدي بميدان الطلب نصمد ونزأر كالأسود =والخصم حتى لو تخلى بالحقوق نطالبه
حنا لأبو متعب سند وسيوف شابية الحدود=يضرب بها رأس المخالف لين يترب شاربه
لك عندنا يا سيدي حب ومواثيق وعهود = وطاعتك يا سيدي حق وعلينا واجبه
مليكنا زعيمنا يقول ويطول ويسود = الله يديمه للوطن والله يرحم شايبه
عبد العزيز اللي تسجل في سجلات الخلود = مسيرته في صفحة التاريخ تبقى ضاربه
الحاكم اللي حط دون الجهل بالموطن سدود=وحد شتاتٍ كانت الأوضاع به متضاربه
الله يديمك يا وطن للعز والمرقى سنود = ويا رب تكفينا الفتن وأجزل بحسن العاقبه