|
الوفـا ابن الغـبا !!
بقلوبكم أقرئوني يا آحبه :r: . . إحتفاء الفقر بـ / عيون الجياع= مايشابه غير جرحي لااحتفا مسافره والصبر للمُعدم متاع=الخوي الحزن ودروبي حفا الدموع أمست لـ /خفّاقي يراع=تكتب الآهات وتشق الخفا والوساع اللي تشوفونه وساع=ضاق فيني لين مانبضي طفا فيض هم وغيض صبروإلتياع=وتمتمة موجوع يستجدي غفا علموني ليه من يصدق يُباع= وليه صار الحُب والذنب حلفا كل آحبابي تلاشوا والصراع= بي بقى يومي لهم غيبوا كفا قدو بسكينهم صدر الشعاع= مااتركوا به شبر قابل للشفا القهر لاطاح قدامك قناع=وجه من تهوى ومد إلك الجفا والوجع لاجيت لهفه وإنصياع= لـ / حضن محبوبك وقفى واختفا الوفا ابن الغبا يعني ضياع=والضياع إنك تدور عن وفا الزمن غابه وياكثر السباع=والوحوش اللي تضرّس بالخفا لاتحب بصدق أعشق في خداع= فلسفتهم كان تحلُم بالصفا كون أبكم قدر قدر المُستطاع=عن حديث قلوب ماتعرف دفا لان مابه شي يستاهل سماع=البدايه ورد والذكرى سفا عليا:r: |
مليئه بالحزن ,
صح لسانك .. صح فكرك .. بوحك العذب دمتم |
والوساع اللي تشوفونه وسـاع ضاق فيني لين مانبضـي طفـا فيض هم وغيض صبروإلتيـاع وتمتمة موجوع يستجدي غفـا علموني ليه من يصـدق يُبـاع وليه صار الحُب والذنـب حلفـا الله عليك يارااااااائعه .. عز الله انك شاعره .. صح لسانك وعلى شانك |
نص فاخر من الوزن الثقيل
استمتعت بقرائته اكثر من مره عليا اهنيك على شاعريتك المتدفقه بالعذوبه تحياتي |
الغاليه
الشاعره عليا الشمري الله انه يسعدك ويوفقك بجميع اوقاتك اسعدني ان اكون ضمن المصافحين لهذه القصيده التصويريه وما بداخلها وتخللها من معاني استمتعت بهذه القرأئه للقصيده صح لسانك وعلا شانك مليون ولايكفون تقبلي تحياتي |
مرحبا
عليا قصيده رائعه رغم الوجع الذي يسكن بين احرفها خيال رائع وتصوير بديع ..صح لسانك كوني بخير كل عام |
الزمن غابـه وياكثـر السبـاع000والوحوش اللي تضرّس بالخفـا نسجك و سجعك وقصيدتك و فحواها ومحتواها لا تنم إلا عن فكر و وعي و تمكن و خبره فأتمنى أن تكون علياء الشمري و كقصيدتها عالية ومشمرة ذراعيها نبلا و علما ومعرفة و مكانه دمتي علياء ً و غالية ً و مريمنا الشمرية البتول لاهنتي يا العزوه |
عليا الطنايا
قصيده شامخة وتدفق شاعري عذب وتسلسل عجيب ارويتينا شعراً ايتها المبدعه لله درك دمتي بخير |
عليا الشمري
هذه اللوحه الفنيه رسمت بأنامل فنانه ماهره بشكل تراجيدي مؤّثر لا غرابه عليا شاعره لا تحتاج شهادة احد بل مبدعه وفقك الله يابنت العم تقبلي اوفر احترامي وتقديري |
علياء مساء ..الزيزفون نص مفعول سحره ..مبهر ..ومسهر ... بخور حرفه ..غشى القلوب ..وامتع ألأذهان. وروده ..فاحت ..بآآهات ..ورؤى..مفرداته ..منتقاه ..من رياض فكر لعلم المنطق ..فيه طقوس..ولفلسفته ..لآآلي بحور. نص به كيميائية ذهن ..ومعادلات شعر ..صوره مبتكره ..تراجديا حزنه ..موجعه ..ودانات ..حبكه ..مفرحه. نص ألأحساس فيه مرهف .. حرقة مصدوم ..ورعشة مشاعر ..تبحث عن دفء. علياء :r::r:لله درك .. فكر ... وشعر .. سبك ..وحبك :r::r: تحياتي ..ودمتي بخير |
| الساعة الآن 02:23PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية