مــــــــــادام شارف ,غدرهم للمعازيب = وبانت على اعيون الجميع المساوي
ماعاد ينفع ( لاطف ) الــــجرح بالطيب = الجرح يكبر , والدعاوي دعــــاوي
ياجب علينا كـــــلــنــــــا في المواجيب = يصبح وطنا ( والوجود ) امتخاوي
أمـــا حــــــــــياة ٍ فوق روس المراقيب = ولا,, على روس الطغاه العزاوي
اليا , متى ؟ ما نكشف اســــــــتارة العيب = ونفضح اجدود اهل الفتن والفتاوي
الـــلي علـــــــــــــينا يلـحقون المشاهيب = والهم , على وحــدة وطنا , ملاوي
ويـــافارس الامن استــــــمع ويش بجيب = يا محمد النايف , بعـــــــــــيد الهقاوي
مني عـــــــليكم يا أبيض الوجه ترحيب = مكتوب , ولا . من لـساني شفاوي
قدرك مابين الشعب فا لعين , والـــــجيب = بينك وبين الشعب وصل وعــراوي
حـــكمتك . منها, تذهل الروس واتشيب = اودعت صرح ( المارقين ) امتهاوي
عليك من حنكة . دهــــــا , ابوك تنجيب = نايف , وعمك ضد فكر , ألأهاوي
ابـــوك .. وأحـمد تطلع الشمس واتغيب = وحنا ,, بـــامان , مروضين البلاوي
وانته ظهرت بمظهر المسك والــــطيب = ياللي على أقصا. راحة الشعب تأوي
تسهر على راحــــة هل الدار, وامنيب = وجهدك وفعلك , والجهـــاد. امتساوي
والحـادثه ., آدري , لها وقع واصعيب = وطلعت منها يـــــــــالامير امتشاوي
وظهرت بــالـــتــلفاز.. واشعورك امهيب = وجنبك ,, ( ولي أمر البلاد ) النداوي
وقلد ك , بوشاح النواميس والــــطيب= أوشاح ( اخو نوره ) , ابعيد المناوي
سلـــــــــــمت من كــــيد البغاه المعاطيب = وراحوا بقـدرة من حفظكم شلاوي
كرامة اللي يـعـلم الـــــسر والـــــــغيب = جاتك من الله في مــــدآه , السماوي
وهــــــــذا دليل انك على حق وأمصيب = الله معك . وانته مع الله , رجـــاوي
وأما هل التخريب , والــــــزيغ والريب = بكره ويصبح عش الارهاب هاوي
وحنا معك , رغمأ , عن اللاش والهيب = فــعــل ٍ على وضح النقاء , ما نراوي
والله فـلا ارجي من وراها , مــــطاليب = لاشـــــك . شخصك يستحق النخاوي
ومن , لاحما في واجبه , مــاش توجيب = عنه الوطن , وأنــــا , وغيري غناوي
تمت ,, وابــــي قبل اقتفاي الدواليب = تسمع اشــعوري من الساني شفاوي

صح لساانك يافهد وافي وابيض وجه

والحمد لله على سلامة اميرنا المحبوب