سلام الله سلامٍ فيه فتل ونقض يالشعار= عسى اللي ينقض المفتول قدمي يفتل المفتول

تطير الطايره لاصار وسط الطايره طيار=بعد شد الحزام وقفل لجواله المحمول

هلا يامرحبابك قالها شاعر من الحضار=على اللي عن جميع اللي يجي فالمنتدى مسؤول
انا اللي لا سمعت محرك الارباص فيها دار=أعديها السحاب وكل ماقلته عليه دلول

مدام انته تسد اللازم اللي لابغيته صار= تراك بذمتي في ديرت(ن) فيها الصحيح يزول

محرك طايرتك يدور فيها وشب فيها النار= عساها من مدرجها تطير لعالم(ن) مجهول

بغيت اقول لك ياصاحبي هذا الزمن غدار=يظهر حاله الطيب ويخفي حاله المسلول
مدام محركي فيها كما البركان لامن ثار=اطفيها بخرطوم المطافي لأطلق المحلول

تطيع السوق ياعاشق وتعزف فيه بالمزمار=اثرك القاتل اللي راح يتبع جثة المقتول

على الخرطوم خلك لين محلوله يزيل الحار=وتبرد طايرتك اللي كفرها ساري المفعول

بعد ماشفت فالموجز وجابت عنك الاخبار=عرفت انك عليه بالحرام انسان قد حمول
ولاكن شب نارك وسط دارك وآبجي مسيار=تبين قلبك الطيب على آخر حصدت المحصول