|
ياقلب لدروب الـعـنى ويـش جـابك
ياقلب لدروب الـعـنى ويـش جـابك=عند الذي يزعـل الـيا شـاف طـيـبك وان ماظـهر لـه بالـزعل راس نابك=من غـيـرتـه يـالـقرم صـعـبٍ يسيبك والكذب مايـقـدر يـحـط الردى بك=لكن شياطين العرب وش تـبـي بك يـشــوف ركــبـــه مـاتـبـاري ركـابـك=ولـو شــد حـيـله بـالـنــدى مايجـيبك ويرسـل طـوارف حـربـتـه في غـيـابك=ولو ماتـطـالـب راح يـصبـح طـليبك ودامه على طيب المراجل حـكى بك=لو جيت ميقاف الردى وش يصيبك ودامك بدرب الـطيب تفـتـح كتابك=وشلـون لو يـقـرى ويخـطـي خطيبك عـانـيـت نـار احـقـادهـم في شبـابك=والله يـعـيـنك عـقـب ما بـان شيبك امسى يـدوهج فـي مسـايل هـضابك=ويـنـشد ولد جارك ويـنـشـد قريبك كـنـه خـذى يـوم الـقـيـامه حسابك=والا يـبـي يـعــرس ويـصـبح نسيبك ويـقـصـر جـنــابه مايناسب جـنـابك=وثـمـيــلـتــه صـعـبٍ تـجـاري قـلـيبك وان ماقدر يلقى عيـوبك وشى بك=لـو كـان هـرجـه بالـقـفـى مايعـيـبك وياقـلب دام الناس تـرجـي سحابك=كل الـعـرب تـرحـل وتـنزل شعـيبك والـيـا قـضـى عـنـد الـرفاقه زهابك=لو طحت في دنيـاك محـدٍ دري بك اقرب قـريبٍ بـاع بـك واشترى بك=ولو تـطـلـبـه دنـيـاه يـصـبـح حريبك لـو انـت تـفـتــح لـلـرجـاجـيل بابك=قـالوا غديـت الـيـوم مايـنـغـزي بك وراع الصخى لاشاف طيبك يهابك=وتلـقـاه من بــد الـخـــلايـق حـبـيبك ياقـف بجـنـبـك كان وقتك قسى بك=وعند الجروح الهوج يصبح طبيـبك وياأبن دهمش رابـحٍ من هـقى بك=ياذخـر رجـلٍ بـالـوزى يلـتـجي بك الـمـرجـلـه والـطـيـب تسـكن ثيابك=وعسى السعاده والفرح من نصيبك ويـاسيـف خـــلـك راقـدٍ في جـرابك=يكـفـيـك بـوجـيـه الـهـلايـم عسيـبك نذخـر لسبـع الـغـاب شـاطر نصابك=والـيـا عـوى فـي تـالـي الليل ذيـبك وتـرى العـصى يالـقـرم يـطـرد كلابك=وضرب العصى يـقـدر يـرجـع ذهيبك ويانجم وقتك كان غـيـمك غـدى بك=ياما سـرت فـيـك العرب تهتـدي بك ويالذيب كان الوقت عقبي سطى بك=ياما جـفــل راع الــردى من قـنـيـبك وكان السقـيـطـه بالـتـوالي هـزى بك=فهو رغـم جـرحـك مايـقارب شطيبك ويـاظــلـــع رضـوى دام كـلٍ رقـى بك=الـلـه عـلــى صـبـر الـمـهـونـه يـثـيـبك |
فرج مسائك شموخ وعزه هي ألأشجار المثمره ..تقذف بالحجاره ..وتتساقط ثمراً جنيا. نص به حسره ..والم من جحود ..في زمن ندر فيه الوفاء ..واصبحت العلاقات الأجتماعيه ..تحكمها المصالح ..فقط ..الا ماندر. نص شاعريته فذه ... تحليل عميق لواقع اليم ... تحياتي ودمت بخير |
الغالي الشاعر
فرج الدهمشي الله انه يسعدك ويوفقك بجميع اوقاتك بالخير واسعدني مروري على متصفحك ومصافحة قصيدتك ذات المضمون اللي ينم عن عزتك وشموخك كفو انا اشهدنك شاعر متمكن وصح لسانك وعلا شانك مليون ولا يكفون وتقبل تحياتي |
فرج الدهمشي
صح لسانك قصيده اكثر من رائعه تحياتي |
فرج الدهمشي
صح لسانك قصيده رائعه وعنوان للجزاله تحياتي |
فرج الدهمشي
صح ألسانك على القصيده الجزله الرائعه لاعدمنا تواجدك دمت بخير |
فرج الدهمشي
صح بوحك ولاهنت تحياتي.. |
صح لسانك
جزله من شاعر جزل دمت بخير |
فرج الدهمشي
صح لسانك واحساسك قصيدة رائعه وفي منتهى الجزالة صح لسانك ونتظر جديدك تحياتي |
اقتباس:
أنا أسعد الله أوقاتكم جزيل الشكر لك وبيض الله وجهك على هذه التعليق والأطراء الذي أسعدني كثيرا ووسام على الصدر تقديري لك |
| الساعة الآن 06:35PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية