يقولون العرب صدر الشمالـي مايضيـق بسـاع=وأنا أقـول الصـدور اليـوم ماعـادت شماليـة
بدت في داخلي ضيقة عجزت ألقالهـا مطـلاع=تغيب وترجـع وترجـع تغيـب ومالهـا نيـة
عمتني كلمة جتني وضقت وضاق صـدر القـاع=ألا يالله لاتـجـزي غشـيـم قالـهـا فـيـه
لهـو صفـاع ياربـي ولا هـو للعـرب نفـاع=بلانـي وإبتلـى حالـه وبعـض النـاس مبليـة
نهيتـه قبـل هالمـره يخلّـي سيرتـي مـاطـاع=ألا يالعنبـو جـد القصيـد ويالعـن أبـو بيـه
ضعيف النفس نسونجي يشوف بعينـه الأطبـاع=يحسبنـي مثـل ربعـه يسـوق بضاعتـه ليـه
أنا أشري لا بغيت أشري ولاني مسـاوم البيـاع=ألامـن قالـي ميـه عطيتـه فوقـهـا مـيـه
أنا أكتب لأجل من يقرأ ولا أرجي من يقول بداع=وأبـد لاتحسـب أن مثلـك يشكلـي أهميـه
وترى ياهيه لامني نويتـك بـس أطـق أصبـاع=يجينـي ألـف شيطـان وراهـم ألـف جنيـه
أجرك من طرف حرفك وأرد الصاع مية صـاع=جنون القاف أرقصهـا علـى راسـك هجائيـة
ياويلك لـو توليتـك وربـي المالـك الشفـاع=يجيك مـن القصيـد إحسـب ثلاثميـه ثلاثميـه
ولكن خلك بحالك مـادام إن الصـدور وسـاع=تـرى للحيـن ماضاقـت وللسعـه شمالـيـة

الغالي
الشاعر
خلف المشعان

صح السانك اخوي خلف لاهنت

صح لسانك خلف ابدددددددددددعت
روعه ..
هلا بك معنا
تحياتي لك
رهب