الا مل قلب(ن) ذاق فرقى حبايبه=وصارت ضلوعه من لظى الشوق ذايبه

سلامي على قبر(ن) حضن راعي الوفا=وعسى الله يسقي كل ليله نصايبه

أنا لاذكرته يافتى الجود نابني=من الهم والضيقات يابداح نايبه

وجملت هجوسي بعد قفّا تشتت=ونفسي من الايام يابداح طايبه

فلا بد من وقت(ن) مقدّر على الفتى=وتقفي من الدنيا واهلها ركايبه

عسى الله يستر من ليال(ن) مناحره=تعاقب ولادري عنّها ويش جايبه

فلانيب هايب من غثا ولا من فقر=ولكن نفسي من قضى الموت هايبه

أخاف انها تطلع وهي ماتشهدت=وتصبح ببطن القبر يابداح خايبه

الا يالله انك تغفر اذنوب من دعى=وعسى الروح تطلع وهي لله تايبه

ويارب يابعاث الانفس تظلني=بيوم(ن) تصير ابه المواليد شايبه

وترحم دخيل الله وتعطيه منزله=وتحميه من جوف الجحيم ولهايبه

وصلاتي وتسليمي على سيد البشر=عدد مالمع برق السحاب بسحايبه

صح لساااااااااااااااانك والله اني صادق


الله يرحم ابو عناد ويسكنه الجنه ويرحم جميع اموات المسلمين

بيض الله وجهك دنيا واخره يا ابوعامر