شبكة رهب الأدبية-ريما محمد السديري

الاحبة
ليست بشئ دون جمالكم
***

صديقي المحتـرم راع الكـلام الجميـل
ان تبتسم فـا ابتسامـك والفيـنٍ عليـه

الله يرضى على امك قالت انك حليـل
واصحابك ان سلموا قالوا هلا يا وجيـه

الله يا انته خليـل اللـي يبـون الخليـل
جاهز وحسب الطلب في كل ما تهتويـه

انته خفيف الشمائـل يـا شماليـل ليـل
لا طب وسط الصحاري كلهـا تحتويـه

اما البخل ما انت في نفسك صراحه بخيل
لوكان تاصل اليا حـد السذاجـه سفيـه

ولا فيه شئ على دربك يجـي مستحيـل
حتى الهوى ممكن انك با الذكاء تمتطيـه

انته وانا ياصديقـي هيـك والله وكيـل
العب وانا العب مثل زيـدان وانته بليـه

معك استرحة محارب كأنها وقت جيـل
ذا وقتك اجتر ابه والا اطبخه واشتويـه

اوكي انا جيت في صفحتك عابر سبيـل
قطاري اللي رسا فوق الرصيف احتريه

انا مدائن وانـا جبـال ونهـر سلسبيـل
وانا صحاري يتوه ابهـا الدليـل النبيـه

وانته لو اتشوف كان اتشوف شئ جميل
لكن مشكلتك انك مـا تشـوف الوجيـه