الطفووولة - لراشد السكران
 

هذه قصيدة للشاعر راشد السكران
حيث يعود بنا إلى ذكرى تناولتها القصيدة، فتبدو رتوشها الدقيقة وتفاصيلها المخفية أجمل من أن تبرز لنا حياة الأمس بكل شيء فيها فلنقف عند الملامح التي أجاد الشاعر في تلمسها ليجعل منها أساساً ذكره بأمسه.
يقول الشاعر:
هلا والله هلا باللي لها في خاطري تذكار
هلا بك عد ماغبتي هذاك الوقت وسنينه
هلا بك ياطفوله عشتها والدار جنب الدار
يوم ان العمر توه مافرض فينا قوانينه
صدق منهو يقول ان الزمن مهما حصل دوار
مسير الحي يتلاقا ولو طالت ميادينه
انا منساك لو تنسى الطيور بصبحها الاشجار
ولو ينسى هذاك الطير في عشه وراعينه
اكيد اذكرك من ينسى الطفوله حتى واحنا اكبار
هذاك الوقت منسى لذته يابنت وش زينه
يوم ان الجار احن من القرايب عند اخوه الجار
تعلم هالمبادي من تقاليده ومن دينه
يازين ايامنا وقت الطفوله والحكايا اكثار
وش اللي اقدر اقوله بعد وانتي تقولينه
ذكرتي يوم كنا فالليال الماضيات صغار؟
يروح الوقت مانعرف (طفش) كنا سلاطينه
وكنا عايشين بوقتنا رغم الفقر تجار
ولا نقلد هذاك اللي يجمًع في ملايينه
والى وصًونا اهلنا والا جينا نروح في مشوار
ركبت بسيكلي وافرح الى جيتي تدفينه
وانا فيني غشامه مدري الامبلط (ن) بجدار
وياما صاد ثوبي سيكلي وانتي تفكينه
نوايانا مثل بيض الغمام اللي تهل امطار
مهو هالوقت مع سود النوايا شحيح ياشينه
ذكرتي لالعبنا وامتلت حتى (شوشنا) غبار؟
وثم رحنا نغسل وجيهنا في بركة التينه؟
وجانا (فهيد) قال انتم وش تسوون ياشطار
وقمت اجرجر بكمي ومن ضوقه تجرينه
ولذتي بي والى جا من يمين انتي تجين يسار
أعرفك هالعليله من مواقف ماتودينه
وقلنا في براءه وين جانا منه هالعيار
واخذ يسألني (يارشُّود) من هي هالمسيكينه؟
وقلت اختي وبنت جيراننا يجوننا زوار
وقال البنت هذي شاطره ياحلوها زينه
وانا من غيرتي دمي براسي يابنيه فار
واقوم ادعي عليه ولو حصل حشيت رجلينه
تبين انساك معقوله!؟ ترى (راشد) وفي للجار
تعلم هالمبادي من تقاليده ومن دينه
اكيد اذكرك من ينسى الطفوله حتى واحنا اكبار
هذاك الوقت منسى لذته يابنت يازينه

راشد السكران

القصيده منقوله

متعب
شكرآ لمرورك العطر
لا عدمتك

رووز يعطيييك العافيه عالذوق الرائع _
دمتي ودام طرحك الساطع لاعدمناك _
ننتضر مزيدك _

تحيــــــــــاتي لك

فجر / سيف

نورتو صفحتي بمروركم

لا عدمتكم