تعبت من ممشى على غير مشهـاي=وتعبت من صبر علـى غيـر غايـة

طاحت عزومي ليـن قلـت نوايـاي=وابعدت من مبـداي صـوب النهايـة



الوقت ذا هوهو بطبعـه وانـا ايـاي=انـا صـدوق وذا زمـان الدعـايـة

يالله تعاوني علـى كبـر بلـواي=ويالله تقدينـي طريـق الهـدايـة

اشكي من الماضي وخوفي من الجاي=ولـي فـي ملمـات الليالـي درايـة


لو كنت اعرف دواي ماخفت من داي=اخير مـن طـب الطبيـب الوقايـة

سبحان من يعـرف مقاسيـم دنيـاي=فـي صفحـة ماتنعـرض للقـرايـة

اليا غدى وقتي جـزوع مـن حكـاي=ادوي بهاجوسـي علـى كـل ايــة

واليا كسرني هاجسي صوب مركـاي=فايه جبرنـي نخـوة دموعـي ايـة

وان شفت همي مانقص من تشكواي=اخترت من نطـح الهمـوم القفايـة


وقت غدى كنه علـي اكبـر اعـداي=يفـرح علـي مجمعيـن الوشـايـة

صادمت صكات الزمن باول اصبـاي=وصادمت قد شيبي بـراس المرايـة