كلمه أضمنها بجمله مفيده = لك يا غلا قلبٍ يودك ويغليك
انتي لقلبي يعلم الله عيده = وهو هديه تكتنفها اياديك
قصرك عيوني في فؤادي تشيده=هيَّا استقري واسكني في مبانيك
جيتي لنا نسمه وجيتي قصيده=وأنا كتبت أحلى مقاصيدها فيك
ذي طيبتك ما هي علينا جديده=الطيب يا الحره بعض من مباديك
أختي وفي طبعك عفيفه فريده=شقيقتي قلبي بنضه يناديك
قدرك تعالى وسط قلبي رصيده=من طيبتك ما فيه ناسٍ تعاديك
لك بصمةٍ في وسط قلبي أكيده=عطر الأخوه جمله عذق كاديك
الدم ما قد خان مجرى وريده=يسري بشرياني بذكرى تواسيك
أنتي قريبه لو تكوني بعيده =سعيد قال الصدق من دون تشكيك
نبض التهاني غيرنا من يجيده=دامك تراعيني وقلبي يراعيك
عسى الغلا يبقى على ما نريده= وأبقى بعيدك كل عامٍ اهنيك