|
قبيلتي الأخرى (أكيد الهواجر)
بسم الله الرحمن الرحيم السلام عليكم ورحمة الله وبركاته يسعدني أن أقدم لكم هذه القصيدة المتواضعه في قبيلتي الأخرى الحبيبة ( قبيلة بني هاجر ) واتمنى أن تحوز على رضاكم.. قبيلتي الأخرى (أكيد الهواجر)=اللي كرمهم مثلما سيل يجري قلبي لهم جا منذ مبطي مهاجر=يفرح بطاريهم عسى دوم يطري خرنة ظفر تاطى على كل فاجر=واللي يعاديهم على الهم يسري تاريخهم من يوم سل الخناجر=مايجهله عاقل به الكل يدري الهاجري دايم على الطيب حاجر=مغيره اللي بالمواجيب يحري الهاجري فالمرجله صار تاجر=من كثر ماهو للجزيلات يشري وإلا أسمحولي...هو أساس المتاجر=أصبح وكيل(ن) للجزيلات حصري في مدحه الكايد يعيق الحناجر=قدره كبير ومايوفيه شعري في مدحكم صامل ولا نيب ظاجر=كل القصايد تو ما جات بدري ((يكفي تراكم ياهواجر هواجر))=يا لابة(ن) للطيب والعز كُبري حبي لكم محفوظ وسط المحاجر=وإلا غلاكم؟...(ممتلك كل صدري) |
اخي بدر
صح ألسانك ويستاهلون بني هاجر تحياتي لك |
كفو والله ويستاهلووووووووون الهوااجر
ماقصرت ويعطيك العافيه... |
اقتباس:
صح الله بدنك تستاهل الطيب طال عمرك ومشكور ولاهنت على المرور الكريم.. تقبل تحياتي،، |
اقتباس:
صح الله بدنك والله يعافيك تستاهلين الطيب يالغالية:r: ومشكوره ولاهنتي على المرور الكريم.. تقبل تحياتي،، |
اقتباس:
حياك الله اخوي الشاعر بدر وصح لسانك وعلا شانك ابيات رائعة وجزلة كروعة صاحبها وجزالته ويستاهلون بني هاجر لكن يوجد لدي ملاحظة بسيطة جداً بجملة " خرنة ظفر " في البيت الثالث ربما خطأ مطبعي حيث ان الجملة الصحيحة هي " خزنة ظفر " .... سلمت اخوي الشاعر القدير بدر بن صقر على الابداع الرائع.. تقبل مروري واعجابي.. |
الالي
الشاعر بدر العجالين الله يسعدك ويوفقك بجميع اوقاتك بكل خير كفو بك وبقيلتك وقصيده وفيت فيها وكفيت وصح لسانك وعلا شانك ولا هنت وتقبل تحياتي |
|
العاجلين
ونعم... صح بوحك ولاهنت تحياتي.. |
اقتباس:
الله يحييك ويبقيك يالغالي تستاهل الطيب الروعه تواجدك في القصيده جعلك سالم واعجابك على العين والراس:thumb: وآســف وأسمحلي على الخطأ المطبعي يالذيب مشكور ولاهنت على المرور الكريم.. تقبل تحياتي،، |
| الساعة الآن 06:24PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية