|
على خرير الما
على خرير الماء وتغريـد عصفـور صارت هجوسي كنها الجمـر شبـه معا دلال البـن والهيـل مصـرور يـا مـا حلاهـا جلسـة بالمحـبـه لا صار فيها صاحبي طلعـة النـور والقلب لا حـارس ولا قفـل ضبـه اشكي همومي له وجور الزمن جور يهنـاك يـا قلبـي خـوي تحـبـه يا كـم تعللنـا ليالـي مـع شهـور والنجـم يـا زينـه و للريـح هبـه واليوم انا حزني غدا حكـم دستـور الـخـل روّح والتـوجـد مغـبـه صحيح بان الوقـت لفـاف ويـدور وان العنب ماكول لـو كـان حبـه وان العسل لو بالحـلا زاد ويجـور ما دام.. حتى التمـر زينـه ورُبّـه يالله يا رب السمـاء خالـق الحـور وش عاد لي عند الهوى يـوم اطُبـه فالراس شيب وخاطري صار مكسور يـا ونتـي ونـة مريـض لطـبـه يمسي ويدعي خالقه يـوم وشهـور عسى الفرج ياتيه مـن عنـد ربـه وطابت ايامكم |
اقتباس:
فهدبن دماس صح لسانك وعلى شانك قصيده شامخه بالحكمه لاهنت وبنتظارجديدك حفظك المولى ورعاك |
صح لسانك يافهد
مليون ولايسدون رائعه من رائع |
الغالي
الشاعر فهد بن دماس الله عليك يافهد قصيد عذبه وجميله بجمال روحك وما اقول الا صح لسانك وعلا شانك ولا هنت وتقبل تحياتي |
عزيزي سفير المعاني
سلمت وبارك الله فيك لا هنت يالغالي على التعليق الرائع |
فهد بن دماس
صح لسانك على هذه الجزله يالجزل تحياتي |
عقاب صح بدنك يالغالي لاهنت بارك الله فيك
|
فهد بن دماس
صح ألسانك على الجزاله والشاعريه لاعدمناك تحياتي |
متعب
صحت ابدانك لا هنت ياالغالي مشكور بارك الله فيك |
فهد
الله الله الله اجادة وحرفنة شاعر صح لسانك واعتلا شانك |
| الساعة الآن 04:58PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية