شي طبيعي يعتبر عندك شهر=او اقل او شي من هذا القبيل !
ما ابالغ لو اقول انه دهر!!=كثر ما وصّـفـت بعيوني قليل
مات من زهر المعاناة الزهر=شي طبيعي والمعاناة الحصيل
وشي طبيعي بعد ما جف النهر=لا خرير ولا حفيف ولا هديل!
ينكسر غصن السعادة من قهر=و ينجبر لو ينجبر يحيى هزيل!
لا بليله شي يحلى للسهر=ولا الصباح يعوّض الليل الطويل
ليه لا والحزن في وجهه شهر=سيف همك والا ما اوحيت الصليل
لين من كثر انكسارته ظهر =بالكآبة تحت وطئ المستحيل!
من كثر ما يكبت آلامه جهر=ناحل عظامه على الجسم النحيل
تنصهر داخل خفوقي لأنصهر= بين اشيل الشوق والا ما اشيل؟
وكل ما وافق خفوقي ..انبهر !!= عقلي ..والواقع على متوني ثقيل!
شي طبيعي ينكسر عندك ظهر=وشي طبيعي تعيش ما عندك خليل!!
والا انا ماني طبيعي في شهر=اجمل ايامي من عيوني تسيل!