ياريف قلبي
 

هذي القصيده لشاعره موضي بنت عبدالرحمن رشيد الرزين الشمري
بوفاة والدتها لولوه المحارب الشمري رحمها الله...


يآيآه لولا الله واخشاه وارجيه...
لاشق ثوبي واستمر بالنواحي
والله لو قالواسكنهاان بغيتيه...
بطراف عالمنا ان بغيتي تلاقي
لاسري لها بليل الحزن غصب وامشيه...
لو القدم عاري من البس حافي...
والله لو امشي بطمانه وعاليه...
وبالكون ادور زولها ماعاني...
والله لو طاوعت قلبي لو اتليه...
لابني لي بيت بقربها ولا ابالي...
واهتم في قبره وازين مبانيه...
وانقش على سوره جميل المعاني...
وازرع بقربه من البساتين واسقيه...
وانا اعتني به كل صابح وماسي...
واحكي لها وقت مضى له تقاسيه...
معها اتعلل لين ينساح بالي...
يافي في حره لقلبي يهنيه...
ياحظن دافي فيه شتاها وغالي...
ياريف قلبي ياربيعه وماراعيه...
ياروض اخضر يازهور الفيافي...
ياكاس شهد يشراب الحلا فيه...
تحلى به ايام العمر والليالي...
ياصيب نافع على الكون زاهيه...
ويرويه من زين القطرماءزلالي...
يانور عيني كل همي تسليه...
ياروح روحي وين قلبه انادي...
اكشف لها الخاطر ودوم لها ابديه...
وبدي لقلبه كل هم لجا بي...
القلب طيب والعواطف تحليه...
ياقلب قلبي للخواطر تداري...
لسانه عفيف صافي الود دافيه...
مايوم تجرح غيرها او تعادي...
قالوا الححزن يبدا كبير ويخفيه...
لهو الحياه ونر زمانك يداوي...
وانا مصابي يكبر اكبر ويكفيه ...
انه يتجدد كل يوم مصابي...
القلب مايسلى وبانت خوافيه...
ياناس صوته تقل بسمي ينادي...
ربع نبات الحزن في قلبي واسقيه...
اسقيه من دمع العيون البواكي...
لين استوت سوقه وبان الزهر فيه...
حزني تجدد وكل يوم اعاني ...
هذا شجرها اللي تحبه وتغليه ...
وبهذا تمشرق نور عيني وحياتي...
وهذاك مجلسها ياما ضحكت فيه...
وياما بكت عينه وياما تعاني ...
ياليت طيفه لو بحلمي احاكيه ...
ياليت خياله في منامي يشافي...
لو دمعنا در وياقوت نعطيه ...
ولو دمعنا دم بذلناه صافي...
ماظنكم بالي مشاء رحلة التيه...
في صحرا لامراعي مع الجوع ضامي...
ماظنكم بحاله من الي يقاسيه...
انا اعاني مثل ماهو يعاني...
وش رايك بمن ضاع طفله وتبكيه...
تنساه والا له رجاء بالتلاقي...
وش رايك بحاله من اللي تقاسيه...
انا اعاني مثل ماهي تعاني ...
ماظنكم باللي ولدها نما فيه ...
حلم الجهاد والزمانه يجافي ...
قلبه تعلق في ضناها وتبغيه...
طال الغياب واله تمنى النجاتي ...
ماظنكم بحاله من اللي تقاسيه...
حالي تعاني مثل ماهي تعاني...
ياقلب هوون واذكره واعتصم فيه...
لله حنا واللمنيه نلاقي ...
شف كم حبيب لك تحبه وتغليه...
وكم فارق الدنيا حبيب وغالي ...
وكم راح وراح وحيه اليوم ينعيه...
وافاهم المكتوب قاصي وداني ...
وكم واحد كاس المنيه يوافيه...
وكاس المنيه مورد له نساقي...
ربي يثبتها على الحق وادعيه...
يجعل لها قبره رياض ونباتي...