|
الوصيه
أوصيك ياللي كل موضوعٍ يشغلك= صبرك على ميلات وقتك شجاعه أضحك وجامل وانس همٍ يزعلك= دنياك ما تسوى الزعل منك ساعه رد الجزى للي بقلبـه يواصلـك= قبل إيتبين من طرفـك إنقطاعـه رد الثنـا للـي بطيبـه يجاملـك= الطيب ما بين النشامـا بضاعـه افعل جميل وبالتواضـع تعاملـك= ترى التواضع منزلك بالرفاعـه والكبر عند اقرب قريبـاً يخذلـك= دخان صلفات الهبايـب ضياعـه العلـم لبلـوغ المعالـي يوهلـك= والحلم خير كفيت شـر الجزاعـه ليل الجهل داجي وحذرا يعرقلـك= يثنيك بعقال الجمل فـي ذراعـه كثيـر بالدنيـا امـوراً تملـلـك= تيار غيظـك لا يـزود إندفاعـه حكم ضميرك لا تضيع دلايلـك= خل الثقه بالنفس ستـر ومناعـه لا تبدي اسرارك لشخصً يغافللك= يزرع صعيبـات المشاكـل زراعه لا تجادل اللي بالجهالـه يجادلـك= لو كان عندك بالكـلام إستطاعـه أن ضعت ميزان التجارب يعدلك= التجربه مثـل النهـار وشعاعـه حسد الفقارى لاهل الصيت والملك= فيهم زرع فقر النفـوس ابشاعـه اللي خلقك بوافر الـرزق كافلـك= لا تنزعج ساس الغنـاة القناعـه أن اقبلت دنياك يجرهـا السلـك= تجيك من عقب العصايه بطاعـه وأن أدبرت بسيوف بقعـا تذللـك= تسقيك كاسات الشقاء والشناعـه إن جاد حظك بالرفاعـه ينزلـك= كلن يبي قربـك يجيـك بوقاعـه وإن باربك شفت الاهانه من أهلك= بك يشتمون المجتمـع والجماعـه مهما جرالك لا تضيع مراجلـك= اليسر عقب العسر يبني شراعـه |
[table1="width:95%;"] | [/table1]عبدالله كتبت وابدعت مبدع الى مالا نهايه ياعبدالله تحياتي |
[table1="width:95%;"] | [/table1]عبدالله المفضلي صح بوحك ولاهنت تحياتي لك,, |
الاخ / عبدالله .
ابيات رائعه وتعبر عن فن و عنصر الفن هو ارتقاء باللغة العادية، والابيات التي قدمتها تحمل في طياتها رسالة ذات محتوى جمالي واشكال رائعه في صياغة المفردات والتراكيب والصور الشعرية وعمق المعنى وقوة الوصف. ابيات رائعة فعلا بل منها ابيات من اجمل ما قرأت وهي ما كتبتها اعلاه قمة في البلاغة وروعة في المعاني صح الله السانك |
اخي عبدالله
صح ألسانك مبدع دوماً تحياتي لك |
[table1="width:95%;"] | [/table1]شاعرنا القدير " عبدالله أنا اشهد انك صادق صح لسانك يالجزل قصيده فيها من النصح وعزت النفس مايفوق الوصف تحياتي لبوحك الراقي |
عبدالله
صح لسانك ولاهنت وتقبل تحياتي ومروري |
القدير / عبدالله المفضلي الشمري..
أبدعت وأكثر.. سلم بنانك وسلم فكركَ .. تمنياتي لكَ باالتوفيق .. تحيتي لك.. http://www.s111t.com/up/uploads/imag...388c8e1e8c.gif |
الغالي الشاعر عبدالله المفضلي قصيده كلها حكم ونصح من مشاعر شاعر مجرب لله درك من شاعر وصح لسانك علا شانك لاهنت تقبل تحياتي |
الشاعر عبدالله كلمات في قمة الروعه في قمة المصداقيه في قمة الحقيقة راقت لي وفعلا تستحق التصفيق بحرارة تستحق الرد تقبل مروري طال عمرك اخوك عبدالرحمن الدوسري |
| الساعة الآن 10:15AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية