على سفح الهموم أقضي حياتي=وحيد ٍ مامعي إلا عصاتي
أهشّ بْها على الأغنام تارة ْ=وعليها أتّكي وقت الصلاةِ
أهيم بوسط صحرا الضّيم وحدي=واسامر هالنجوم اللامعاتِ
لحافي هالسما والأرض فرشي=وتبر الأرض من باقي رُفاتي
على رمضا الجروح آسير حافي=ومن كثر الألَمْ يبست شفاتي!!
ظميت وماشربت إلا دموع ٍ=على خدّي كما نهر الفراتِ
واكلني الجوع وأحشائي تقطّع=بنيران أحرقت مجرى لَهَاتي
توسّدت الهموم وضاق عيشي=وجرحي غاص في أعماق ذاتي
أضَمّدْ بالشعر آلام عاشقْ=واطفّي نار تلهب في قناتي
ينوح الحِلْم في آفاق روحي=إذا مرّت بفكري أمنياتي
أجالس في ظلام الليل حرفي=واراجع مامضى من ذكرياتي
تعبت من الحياة ومن لظاها=ومن حظّي ومن طُْولَة ْ سكاتي
غريب الروح في دنيا غريبة=ألاياربْ عجّل في نَجَاتي
زمن فيه الصداقة كنز ضايع=زمن موضة ونصب ومُغْرياتِ
يخون الجار جاره في غيابهْ=ولايرعى حُقوقَ المُحْصَناتِ
ومن تشريه بالغالي يبيعك!!=برُخْص ويُهْجُرَك في النّايْباتِ
ومن مدّيت له كفّ المُعُونة=يسيبك للذياب الجايعاتِ!!
بَشَرْ أبْشِرْ بها عند المَهَازلْ=وفي وقت الشّدايد ماتحاتي!!
متى ترجع لنا القدس الجريحة؟=وعصافير الصباح الصادْحاتي
وحمام السلم يتجمّع بحيفا=ويجمع شملنا بعد الشّتاتِ

[table1="width:95%;"]

[table1="width:95%;"]

الغالي
الشاعر
ابراهيم حلوش

اهلا بك وبما تقدمه من شعر جميل وله روح

قصيده كلها تعج بالمواعظ والحكم و من مجرب

صح لسانك وعلا شانك لاهنت


تقبل تحياتي