|
ابا انساه
السلام عليكم ورحمة الله وبركاته احبتي رواد المنتدى الغالي قصيدة متواضعة كلي امل ان تحوز على رضاكم الزين انا ياسعود قررت ابا انساه=والقلب ماني ماشي(ن) في مزاجه خمسة عشر عام(ن)وانا ادور رضاه=ولاشفت غير الهم والانزعاجه يكفي زمان(ن)بالهوى قد قضيناه=ولافيه يوم(ن)شفت فيه انفراجه احفيت انا رجلي على درب ممشاه=وياما غرس رمحه بقلبي وعاجه واقول فدوه للغضي لاعدمناه=هو سبة جروحه وعنده علاجه واللي نصحني ماتسمعت في حكاه=تقول سكرت الاذاني بصاجه ((ياناس خلوا كل وادي ومجراه))=هذا جوابي له واثرها عواجه ياليتني سمعت ياسعود نصحاه=ان كان قلبي ما تزايد خلاجه مديت له يمناي واعرض بيمناه=قلت انتظر يمكن يجي ونتواجه وعودت مثل اللي نقل داه برداه=وقلبي تكسر مثل كسر الزجاجه وابطيت انا ياسعود قلبي برجواه=بس انتهى حلمي بليلة زواجه هذاك يوم(ن)ذقت به حر فرقاه=يوم(ن)غدى حلمي رماد بعجاجه والى متى ياسعود قلبي بعمياه=طرد المقفي يابوخالد سماجه اللي جفاني يارفيقي ابا اجفاه=ماعاد لي ياسعود انا فيه حاجه وقلبي انا ياسعود والله لا اعصاه=ولانيب ماشي في هواه ومزاجه |
الغالي الشاعر علي العجاجي قصيده رائعه من ضمن روائعك الجميله صح لسانك وعلا شانك يا الغالي تقبل تحياتي |
كيف لا تحوز على الرضا وهي من شاعر فحل علي العجاجي ارويت عطش قلوبنا شعرا صافياً كا الماء القراااح لك مني جزيل الشكر والتقدير وصح فكرك |
خمسة عشر عام(ن)وانا ادور رضاه
ولاشفت غيـر الهـم والانزعاجـه الشاعر /علي العجاجي .. صح لسانك .. قصيده . [ جزله من جزل ] . حزن دفين .في واقع القلب ..؟ لآهنت يالغ ــلآ‘إ ... ودي |
[table1="width:95%;"] | [/table1]علي العجاجي قصيده استمتعت بقرائتها تحياتي |
|
[table1="width:95%;"] | [/table1]العجاجي صح بوحك ولاهنت تحياتي لك,, |
استاذي سفير المعاني
شرفني واسعدني ان تكون اول من عانق هذه المتواضعة وبيض الله وجهك على هذا المرور والاطراء وهذا شهادة افتخر بها من شاعر علم وكبير تاحياتي وتقديري |
وابطيت انا ياسعود قلبي برجـواه بس انتهى حلمـي بليلـة زواجـه باذن الله انه عوضك اخير منها والقصيده تستحق القرأءه من جمالها وتصويرك الصادق فيها صح لسانك |
القدير/ علي العجاجي
لاتتباهى بقصيدتك بل هي ستتباهى بفكرك.. قصيدة جميلة في النظم والمعني.. راقت لي كثيراً.. سلم بنانك وسلم فكرك .. تحيتي لك http://www.s111t.com/up/uploads/imag...2dbc5f64a3.gif |
| الساعة الآن 10:45PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية