شبكة رهب الأدبية-ريما محمد السديري

من قديم الشعر الذي يحفظ ويتناقل وله جمهوره المتذوق قصيدة للشاعر محمد ناصر صقر السياري والذي عاش ما بين ١٣٣١ه إلى ١٤٠٠ه وهي من الغزل العفيف ولو غلب عليه الخيال والوصف والمعاناة الوجدانية المعبرة، حيث يقول:

يا ليتني يا رشيد راعي ربابه
أجرها ليا ضاق صدري وأغني
أقنب عليها مثل عود الذيابه
لخطا العشاء وسبوت رجله قضني
علي وليف صطابي صوابه
الله لا يجزيه بالخير مني
إن غاب جتني علتي من عيابه
لين الجروح الخافيه يظهرني
وليا حضر عزيت روحي مهابه
ما ودي العربان يدرون عني
عني نهار السبت قفت ركابه
وقفيت عنه وخاطري ما أرجهني
عل الحيا يسقي تراب وطابه
لو كان حقي منه رمح المطني
لا وعذاب القلب ولا عذابه
اقفيت اضعون الزين ما وادعني
وجيت المراح الصبح قفر جنابه
الا الثلاث السود ما جاوبني
عقب الطرب والعز ينعب غرابه
وعقب الرجا بمواصله خاب ظني
شدو من البره يبون اللهابه
لعل فرت شالهم ما يثني
يقوله اللي كل درب مشابه
ما ينفع الولهان كثر التمني
وأنا عقب ما راح لولا الرجابه
والله لخاطر يمهم لو ما اثني
دار تنحو عنه وش ينبغابه
سقوا اليا قيل الضعون اقبلني