شبكة رهب الأدبية-ريما محمد السديري (http://www.rhb-reema.com/vb/index.php)

-   بـيـت الـقـصـيـد (http://www.rhb-reema.com/vb/forumdisplay.php?f=40)

-   -   كلمتني بالخطا.. (http://www.rhb-reema.com/vb/showthread.php?t=17421)

كلمتني بالخطا ليت الخطا منها يعود=ياعرب بعض العرب مثل العسل حتى خطاه


قالت انت فلان؟ثم رديتلي ردن يكود=كني اللي جا يكحل نون عينه ثم عماه


والحقيقه..من سمعته..صابني مثل البرود=وكل عرقن ذاب فيّه من حلا الصوت ودفاه


لو تمر المقبره ثم اهمسة لاهل اللحود=ضنتي واستغفر الله رجعتهم للحياه


صوتها نوتة موسيقى فالنزول وفالصعود=لو درى عنها عبادي كسر العود ورماه


خذتلي يومين من بعده وانا فكري شرود=كل من سولف عليه ثم نشدني؟قلت..هاه


بس زولي معه ولا الفكر قاطع له حدود=كل صوتن غير صوت اللي سمعته ما أباه


وماهقيت انه بعد ماطول غيابه يجود=باتصالن منه ضامى القلب يرويبه ضماه


كنت ماصدق بأن الاذن تعشق ياسعود=قبل شوف العين احيانن..قبل ماسمع نباه


والله اني مونسن مونسة من ضبي النفود=ما اقول الا عسى الله يتركه للي رعاه


وكل بركانن ليامن ثار من بعده خمود=وكل خطن منه نبدا لازم نعود علاه


والله اني خابرن طرد الهوى مامنه فود=مير قلبي لادله جا فالبشر غرون شعاه

[table1="width:95%;"]