علمتها نظم القوافي والابيات = لين اكتبت فالشعر عذب القصايد
ودرستها وشلون جزل العبارات = ترسم على صدر القصيد القلايد
وفهمتها وشلون تقري الروايات = وتلقابها افكار البيوت الجدايد
وحفظتها عذب اللحون الاصيلات= وفرق الركيك من الشعر والفرايد
وهى ذكيه وابدعت فالكتابات = والله عطاها فكر بالعذب جايد
وأمسي لها فالشعر صوله وجولات = وأمست بساحات القصايد تكايد
وصار اسمها مانشيت لارقي المجلات = وتطلع على صفحات كل الجرايد
واليوم ماجيت اتنومس بما فات = ولاجيت ادور من وراه الفوايد
ولاجيت ابكشف ستر هاك المخبات = ماهوب لى كشف الستيره عوايد
جيت اتسائل فالقصايد وبالذات = والا حشا لله مانى بعـــــــــــايد
لانها عندى من حساب الاموات = وانا البعير شعيل وقت الشدايد
لقيت في بعض البيوت اختلافات =(( نزعة غرورك .. عن قصيدك .. تحايد))
وأنتى مثال ٍ حى في نزعــــة الذات = لوكان زينك دايم ..الدوم زايد
هو ماكرهته فالليال القديمــــــــــات = ولاعاد خلالك .. بقلبي شرايد
والله يوفق خطوتك وين ماجات = يانجمة الساحه .....وكل الجـــــــرايد