يااخي ابي افهم بس وش ودك تكون= اتـعـبتني والـــوضـع مـا فيـه دبـرة
مــره تــــذم الــوقـت وتــقـول ملعـون=ومــره لــســوء الـحـظ تـحـط زبـرة
تــبـي على هامـان تــصـيــر فرعـون=ما تــدري ان ايــــوب مرمـره صبـرة
تــبي تطــول المجد وما تدري شلـون= ما يـوم مـن غلطتـك اخـذت عبـرة
كلما ضحكلك شخص تحسبه لك عون=يااخي المصيبه فيـك قليـل خبـرة
يـمـكن تلاقي شخص مـن بين مليـون=ان قلت له يمناك يعطيك شبرة
حاول تـخلي الـسر بداخلـك مــدفـون=واحذر تـدل النـاس بمكـان قبرة
ماكــل عـقـدة حبـل تـنـحـل بــسنـون=ولا كـــل جـــــرحً لـم نـاوي لجبـرة
الــريــح مـا تــنســد بلـــواح كــرتـون=والعظم ما تحميه من السيف هبرة
ما هـــو كذا وش فيك لا تصير مجنون=عمر الجمل ما فات من خرم الابرة

الاخ ممدوح صح لسانك وسلمت على القصيده

لك مني كل التحايا والامنيات

محمد العتيبي

حاول تخلي السر بداخلـك مدفـون

واحذر تـدل النـاس بمكـان قبـرة

ماكل عقـدة حبـل تنحـل بسنـون

ولا كل جـرحً لـم نـاوي لجبـرة

الريح مـا تنسـد بلـواح كرتـون

والعظم ما تحميه من السيف هبـرة

ما هو كذا وش فيك لا تصير مجنون

عمر الجمل ما فات من خرم الابـرة

[table1="width:95%;"]

[table1="width:100%;"]