في زحمة الناس كن النفـس محـشـوره=كن الشـوارع سجن وأصـفـاد وأغـلالي
حبيت عيش السعـيد وقمت في دوره=تمثيل وإلا الحـقـيقه ناشني صـالي
ناديت شيخ الخـيال وهـز ْ باكـوره=وأبحـرت في عـالمي والشـيخ يبرالي
في ديرة ٍ عن جـميع الناس مهـجـوره=فارقت صـخـب البلد وأطفيت جـوالي
هـبـَّت هـبوب الشـمال وحامت طـيوره=والفـكـر من فـوقهن تحت السماء العـالي
روضـة خـيالي طلوع سهيل ممطـوره=لاحت بـروق السـحـاب وجيت طـوالي
الورد يضـحـك طـرب في نشـوة زهـوره=والغـيم يبكي وهـلَّ الدمع هـمـَّالي
في منتهى نشـوة الملهـوف وسـروره=ذكـرت بعض الهموم وكـدَّرت بالي
إن قـلت دنيا الفنا بالخـير معـموره=بالغت بالسالفه والوقـت ميالي
سيرة حـياة البشـر صـوره وراء صـوره=فلماً درامي تصارع فيه الأبطـالي
هذاك وجهـاً حـزين ويخفي شـعـوره=يضــحـك تصنـَّع وقلبه فيه الأهـوالي
هـذاك طـفـلاً يسـرّه خـنق عصـفوره=قدام الأطفال يعرض به ويخـتالي
وهذا مريض ٍ تمـلـّل منه دكـتوره=عشـرات الأعـوام حي ولا هـو أمبالي
وهذا سـليم ٍ بصـحـة جسم مـوفـوره=أجـهـز عليه الممات وقصـف الآجـالي
وهذا سجـين ٍ عليه أبواب مخـفـوره=وهـذاك حـراً طليقاً بالخـلا الخـالي
الجـهـل يغشى قلوب الناس ديجـوره=والمعـنويه صـفـر وإبليس متعـالي
محاكم العـدل بالوجـدان محـظـوره=استبدلت بالنفاق ومجـدها زالي
كرامة النفـس بالأطـماع مغدوره=تنزف جـروح الخـضـوع لروس الأمـوالي
الفاطر اللي بوسط السوق منحـوره=تقاطعوها الجـياع بغير مكـيالي
شبعت خـشاش الزمان وجـاعت صـقـوره=والذيب سـرحـان صـابه رعب وجـفـالي
بعض المواضـيع بالألباب مقـبوره=للمـوت ما رافقـت رجـلي وخـيالي

.
.
.

تحياتي لك أستاذي
.
.
.
.

ولكن أصدقك القول نشوة الشعر من العيار الثقيل
تلجم السان عن الكلام فلا أملك إلا الصمت

وحول شهادتك اللي تكفيني عن اعلى الشهادات
وعن تواضع الكبار

وانت كبير بقدرك وشعرك
والله لا يهنيك وشهادتك وسام افتخر فيه

[table1="width:95%;"]

ولاهنت تقبل تحياتي

[table1="width:100%;"]