مصافحه أولى عسى أن تليق بمقامكم
السلام عليكم أسعد الله صباحكم ومسائكم بكل خير :) مصافحه أولى عسى أن تجد القبول لديكم وهي قصيده كتبت في صديق الروح و أعز الأصحاب حين أتاني يشتكي جور الزمان فجاوبته قائلا ً :
ياصاحبي وان كان ضاق الصدر لا تحمل هموم = عنّز عليّه والهموم اللي تجيك أشيلها ما دام مثلك لا دعيته فاللوازم لي يقوم = قرم ً يناطح للصعاب وفي يده تسهيلها أبشر بذيب ٍ معك فالشده وفي وقت اللزوم = يفديك وثقال الحمول المهلكه يرسيلها يفديك لا منك زهمته في دفاع وفي هجوم = ماهمته نفسه ولو هو حاين ٍ ترحيلها صاحبك للخوه يصون وحافظ ٍ عهد وسلوم = للرفقه اللي لو يدور الوقت ثابت حيلها وليد يا القرم الشجيع اللي على الوقفه يروم = الصاحب اللي رفقته مامثلها في جيلها لا جار بك وقتك واعز الناس خلاك مهدوم = نذر ٍ عليه يالعقارب ذيك لا أقطع ذيلها اللي كسرك اكسره كانه هاوي ٍ كسر الخشوم = إلين يعرف غلطته و يعوّد لتعديلها اللي يقدّر صاحبي نحسبه من عد القروم = واللي يضرّه نفسه العوجا مسوّد ليلها وليد وان جارو عليك الربع انا لك و مخدوم = ما أعدك إلا قطعة ٍ مني وصعب أزيلها . . وسلامتكم :) |
ياسلام ياسلام
عمرالدغيلبي صح لساااانك على هالمصافحه الرائعه طمعتنا فالمزيد في انتظــــارك يالذيب اخوكــ |
اللي كسرك اكسره كانه هاوي ٍ كسر الخشـوم إليـن يعـرف غلطتـه و يعـوّد لتعديلـهـا اللي يقدّر صاحبي نحسبه مـن عـد القـروم واللي يضرّه نفسـه العوجـا مسـوّد ليلهـا الله على قصيده عذبه وشامخه بماتحوي من وفاء الصديق لصديقه القدير عمرالدغيلبي صح لسانك وعلى شانك لاهنت على هذه المصافحه الرائعه وبنتظارقادمك بشوق الف شكرلشخصك الكريم وفقك الله ورعاك |
صح لسانك قصيده موثره بكلامتها
وعلا شانك اجمل ننتظر جديدك لاهنت |
[table1="width:100%;"] | [/table1], ,, خارج / النص : ) عمر الدغيلبي أتمنى أن تكون في تمام الصحه والعافيه / داخل / النص : ( مكنونه في حكم الوفاء . وبأختصار متواضع . لا غرابه يا عمر , مودتي / حجاب ,, |
[table1="width:95%;"] | [/table1]عمر الدغيلبي يامرحبا ياعمر تراحيب المطر هلابك في منتداك وبين اخوانك وكفو كفو ياعمر قصيده تحمل الكثير من الجزاله تحياتي |
الغالي الشاعر عمر الدغيلبي الله يحييك في منتديات رهب ومصافحه بهذه القصيده الجزله ذات المعاني والمفردات الجميله صح لسانك على القصيده يالغالي وتقبل تحياتي |
عمر...صح كلك.ياالغالي
ونعم فيك وبرفيقك..طاب لي. وطال المقام .هنا. بوركت حتى ترضى.. صح لسانك ياالجزل |
اقتباس:
نايف الحميدي صح بدنك يا الغالي وابشر بالمزيد مرورك من هنا شرف لي احترامي لك |
[quote
=شموخ نجد;180463] اللي كسرك اكسره كانه هاوي ٍ كسر الخشـوم إليـن يعـرف غلطتـه و يعـوّد لتعديلـهـا اللي يقدّر صاحبي نحسبه مـن عـد القـروم واللي يضرّه نفسـه العوجـا مسـوّد ليلهـا الله على قصيده عذبه وشامخه بماتحوي من وفاء الصديق لصديقه القدير عمرالدغيلبي صح لسانك وعلى شانك لاهنت على هذه المصافحه الرائعه وبنتظارقادمك بشوق الف شكرلشخصك الكريم وفقك الله ورعاك [/quote]شموخ نجد صح بدنك واشكرك على هذا الاطراء الذي منحتيه لقصيدتي المتواضعه احترامي |
الساعة الآن 09:53AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية