يامبعدٍ عني ولانيب راجيك=دونك غراب البين رف الجناحي
تبعد وقلبي بابتعادك يناديك=وان زدت خطوة زاد قلبي جراحي
عشر وثمان سنين والقلب يغليك=لليوم هذا ماهنا وإستراحي
اغليك واغلي ناسك اللي حواليك=واغلي على شانك ديار ونواحي
واروح للبيت الذي كان يأويك=والقاه مظلم واكثر الرسم ماحي
مهجور تلعب بالهبوب الشبابيك=لو هو بشر من حر فرقاك طاحي
انا ادري انه خالياً منك يبكيك=مار جبرتني ذكرياتي إلحاحي
واقول له يا دار تبت مبانيك=حلو الحلايا وين وجّه وراحي
ماجابني واوجست ريبه وتشكيك=واقفيت تلعب بي هبوب الرياحي
رجعت للإطلال من شأن ماضيك=اخاطب الجدران مانيب صاحي
اللي خذا عقلي رموشك وعينيك=الله عطاك رموش مثل الرماحي
بعيون مفتونك ولا أحدٍ يحاليك=ياسيد كل الغانيات الملاحي
الثلج والجمر الحمر بين اشافيك=ذباح للعشاق سم ٍ ذحاحي
لون العرق وقت الخجل فوق خديك=مثل الندى بالورد وقت الصباحي
سحرك تعّدى كل ساحر يجاريك=سحره محّرم وانت سحرك مباحي
ماحب ليلى قيس لو سمع طاريك=وان صرت مثله ماعليه جناحي
لعبت بي لعبٍ يسرك ويرضيك=لعب الاصابع في عقود السباحي
ياليت لو ساعه من العمر ناسيك=انساك لو الله كتب لي نجاحي

عبدالله المفضلي


ابكيت احساسي بهذه الشامخه


صح لسانك صح لسانك


تحياتي

الغالي
الشاعر
عبدالله الشمري

الله يسعدك ويوفقك لما فيه الخير

اسعدني مروري على متصفحك

ومصافحة قصيدتك العذبه بما تحمله

من معاني وذكريات تم تصويرها بالنص

المفعم والراقي فانت شاعر متمكن ورائع

وصح لسانك وعلا شانك يالغالي



وتقبل تحياتي

يامبعـدٍ عنـي ولانيـب راجيـك دونك غراب البين رف الجناحـي
تبعـد وقلبـي بابتعـادك يناديـك وان زدت خطوة زاد قلبي جراحي

[table1="width:95%;background-color:black;border:8px ridge burlywood;"]