ياليل وين الصبح ماهي طلابه=غادِر مكاني جعلها لك سفاير
هذا السهر وش جايبه لاهلابه=ضيفً يجي لا عســـعس الليل زاير
عندي ومن مثلي تنوخ ركابه=نديم هم وطالع الحظ باير
فرعون فكري فز به واحتفابه=عين السهر تدفع عليه البشاير
تجمعوا عازف وقوس وربابه=والهيل وهموم ٍ تدك الظماير
قلبً بليا هم وش ينبغابه=وراس ٍ بليا مخ نقله خساير
امثل البسمه بوجه الكآبه=والبس غبى وافــــكار عمي البصاير
يبقى السؤال المنتظر للاجابه=ويبقى الجواب اللي بالالباب حاير
مايدري الدرويش حضرة جنابه=ليه العذارا قصصن الظفاير
ليه الطيور الحايمه وسط غابه=مابه سوى العصفور بالجو طاير
ليه العمى يعمي قلوب الذيابه=عجزت تشوف الماشيه بالحظاير
ياما شكى الشاكي بليغ الاصابه=جرح الزمن بصدور الاخيار غاير
ظامي ويحلم تعترض له سحابه=يشكي هجير الوقت والوقت جاير
اما ظفر في حلمه اللي شقابه=والا على إبليسه تدور الدواير
أن جادت الدنيا بخير ورحابه=والا عساها للفنى والسعاير
ما كلها تحققت للصحابه =لها على روس البرايا جراير
براً جفاف وغارقاً في سرابه=وبحراً عنيف وغاضب الموج ثاير
الذنب ماهو ذنب لولا ارتكابه=وجرح المشاعر من كبار الكباير
هموم بقعا غي طريقي عصابه=وانا اتحدى بالطريق العثاير
لو شان وقتي زاد قلبي صلابه=موتي عزيز ولا حياة الكساير
تبقى الكرامه في وقار ومهابه=اعز واغلى من دموع الحراير

امثـل البسمـه بوجـه الكـآبـهوالبس غبى وافكار عمي البصاير

الله الله
صح لسانك اخوي\عبدالله
وسلمت لنا يمناك
ابهرني معنى قصيدتك
اظهر لنا حزن
ومايخفيه حزن اكبر
ولا يمكن تصوره
الامن ذاق مره
......
ولكن كما قلت
(تبقى الكرامه في وقار ومهابه)
سلم لنا ذوقك

[table1="width:95%;"]