ياشاعر يبدع حسين القروحي = مما بدابه حاصل له صعوبه
قرما من اغزر بحر دلوه تموحي = كلن يعرف اسمه ويعرف دروبه
يقنب كما ذيبا بعال السفوحي = اما عدا والا بحرزة عدوبه
يبا الطويله والطويله رموحي = كم وحد منها جراله عقوبه
اكود خبلا خالي العقل بوحي = ما يونس اللي تطعنه في جنوبه
والوقت عزل كل قرما نطوحي = وكم شيخ قوما روحه له جلوبه
واليا طلبت الله فلاهو شحوحي = انزل بحوزة رحمتة للمثوبة
واصبر وتجزا بالسعد والفروحي = ومن لا صبر ندمان لو شق ثوبه
واسمع ولا كنك بالاسماع توحي = والمسلم المظلوم تغفر ذنوبه
وبعض التمني مثل برقا يلوحي = يخيلونه ناس ما ربعوبه
ما يا صلونه قاصرين الشبوحي = لو مرهم ريح النفل مع هبوبه