قبل نادي رهب ما كن لي مستقر = بين هذا و هذا والليالي طوال
ينولد كل ليلة منتدى من شعر = ما عرفنا بأيتها يدوم الوصـــال
كل شاعر يبي في ثانية ينشهر = ماعرف ينتظر لحظة و طال المطال
ياقف الطيف عاجز بالقلق والسهر = الصدر في السطر والعجز غاوي كمال
جيت نادي رهب والعجز يكتب صدر = ينتشي خاطري من كثـرة الأنفعـال
جيت أعبر عن مرادي رموز وصـور = أجعل النور خلفيـة وشعـري ظـلال
كنت أسمع بناديكم وزاد القهر = نفسي ادخل و لكن قلت مافي مجـال
كيف أدخل لنـادي بالجزالـة مطـر = خايف اغرق ومالي في المتانه حبال
ما يفيـد القصيـدة ضربهـا بالأبـر = كان ما تحتوي من المعانـي الجـزال
في الأخير استخرت الله وزال الضجر = وانفتح بابكم والغيم أشفق و سال
صرت مكشوف مالي وسطكم من عذر = أحمل اهموم ترهقني بـوزن الجبـال
خاطري منكسـر لكـن فيكـم جبـر = وانجبرت انتظر يمكن أرى من خـلال
شفت ترحيبكـم و زال منـي الكـدر = صرت أرسم كما الأطفال لوحة جمال
المودة بنت جسـور وصـل و فكـر = افضل الشعر من قرب جنوب بشمـال
والوسط دار عزتنا و أصـل الشعـر = زاد ضيه بشرقه والغـروب الوصـال
الجهات أربعة و للـو سـط تئتمـر = ديرة (ن) ما دخلها نصب ولا احتيال
قطرها دين ما يسجـد لوالـي بشـر = العبـادة لربـي والوساطـة محـال
جيت أسجي خواطر مالهـا مستقـر = لـو تقرونهـا يطيـب للحـال بـال
وين من بطنها يشكي الضمور الحذر = يحتوي خصرها الخاتم ويبقي مجـال
جيت أندب هواها والبعـد والسهـر = واشتكي ليل يمضي بين بخل ونـوال
للأسف جيت متأخر وشفت الخصـر = ضاق في خاتم الألماس صبره محـال
يشتكي الخصر من ثقل النهد والصدر = كنه الغصن يوم أثمر به الزهر مـال
والندي في يدي من دمعهـا بالفجـر = هل من عينها وقت المفـارق ثمـال
صرت أعض الأصابع بين غبن و قهر = لين عضيت من شريان دمي وسـال
واختلط دمعها ودمـي وخـد القمـر = صار يندي ورود الدم حزن الجمـال
جيت غاوي بناديكم كتابة شعر = كثرة حروفه براسـي تهـز الجبـال
من يعين المولع يـوم يحكـي خبـر = مين يطفي براكين الهوى بالوصـال
جيت ضامي وأهدتني دموعي مطـر = مزنها العين وجفوني سحابة وصـال
يوم شافت دموع العين حمـرا تـدر = شفت في وجهها حيرة وبعض انفعال
قلت كانت دموعي ماي قبـل السفـر = لين جفت من التنهيج والبعـد طـال
بعدها دم قلبي سال سكـب القهـر = واختلط مع سواد العين والنون سال
خايف أشغله , دامك فيه , قلبي حذر = ما أبي جسمك الطاهر يجيه اعتـلال

[table1="width:95%;background-color:black;border:4px ridge purple;"]

[table1="width:100%;"]

المشاركة الأصلية كتبت بواسطة شموخ نجد (المشاركة 156715) الدكتور والشاعرالقدير سالم الفيفي حياك ربي بمنتداك منتديات رهب الادبيه صح لسانك وعلى شانك على هذه القصيده الجزله وان دلت تدل على طيب ذاتك ورقي خلقك وماننحر م من حضورك الرائع ومن اشعارك العذبه تقبل مني خالص الشكر وعظيم الامتنان وفقك الله ورعاك ودمت بكل خير ومحبه

[/table1]

---

المشاركة الأصلية كتبت بواسطة العطاويه (المشاركة 156722) [table1="width:95%;background-color:black;border:4px ridge purple;"]

عندما تتقاطر حروفاً كالشهد نتلذذ بقراءتها نسجت بتبر الذهب على جسد الإبداع نعلم أنها خرجت من روح طاهرة كـ الدكتور الشاعر الرائع : ســــــالم الـــفيــــفي http://www.funytime.org/uploads/images/up7296e9bf5c.gif ترحب بك منتديات رهب وقد فتحت على مصراعيها نشكرك على هذه الردية الجميلة والجزله وصح لسانك ملاييييين تقبل مروري وأنت بكل الخير \ / \ العطــــــــــاويه

المشاركة الأصلية كتبت بواسطة الحياةكلمه (المشاركة 156757) هـــــــــــــــلا وغــــــــــــلا بشاعرنا الدكتور ساالم الفيفي ابداع سلمت يداك ولا عدمناك والله قصيده اعجبتو بها ننتظر المزيد من روائعك تحياتي لشخصيتك المبدعه تقبل مروري

[table1="width:95%;"]