لا0 لا تظن الفرح في ناظري لاح = قربك هو اللي يجلي الهم ويزيح
منصور يامشكاي ماشفت الأفراح = يذري هبوب الحظ مع عاتي الريح
اقفى السعد واليوم صرح الأمل طاح = واطفى معه في عتم ليلي مصابيح
جو القصيده راق في بيت الأشباح = وانا وخيالي للقصايد مشافيح
هم ونكد والليل مسرى ومصباح = امشي واطوح من عنا الحب تطويح
وانا قتيل الحب في طعن الأرماح = ابكي واداري خافي السر ليبيح
ولاوقفت دنياي مع واحد(ن) راح= ناس (ن) بكوني في دموع التماسيح
لجل الغلا ياخوك لك خاطري ساح = قربك شفى لاطال ليل التجاريح
جيت آتذرى من عنا الوقت ياصاح = جيت اشتكي لك واسند الحظ ليطيح

الغالي
الشاعر
عويد كسار العنزي

الله يسعدك ويوفقك للخير

قصيده من شاعر متمكن واهداء لشاعر

متمكن ايضا صح لسانك وعلا شانك


وتقبل تحياتي

ماهي ورق واقلام شاعر ومطبوع = طرق(ن) لابن كسار من خلف الأضلاع
بطاقة (ن) باالقلب ترقى بنا طلوع = سلم(ن) لنا موروث باقي ولاضاع
ترحيبة (ن) من طش غيمه لها اسبوع = وقت الوسم والخير سالت به القاع
تسري مع البراق وتولع شموع = وتصبح مع الوردات معزوفة ايقاع
وادي بدنه قدام عرعر مشى قطوع = وريح المطر قدام تفرد له شراع
تلقى مصب السيل من عالي فروع = بيت(ن) غدى توقيع في قسم الأبداع
بيت(ن) مسوبع ربعته تكفي جموع = صعبه على وجه الزمن يلوي ذراع
واجزل بيوت المدح عيت تجي طوع = تلقى من العليا لها فزعة سباع

لجل الغلا ياخوك لك خاطري ساح
قربك شفى لاطال ليل التجاريح
جيت آتذرى من عنا الوقت ياصاح
جيت اشتكي لك واسند الحظ ليطيح