قصه غريبه بين قلب وهوى عين = والنفس حارت بس هي من بداها
يانفس ياللي مانبي لك جوابين= هاتي جوابك وابعدي عن حداها
تحيرّت تنشد طريق السعد وين= تخاف تمشي درب يتعب عناها
قالت نبيها منك عجل وهالحين= عطنا جوابك كلمة ٍ مع غطاها
قلت ابشري لكن مالي بعشقين= عشق ٍ يصيب وعشق يبعد مداها
ياذا السؤال اللي مثل طعن سكين= طالبك لا تنبش تبيّن خفاها
ذكرى قديمه مثل سيف ٍ بحدين= يقطع فتيله ثم يطفي سناها
( قلبي مثل قبري مايسكن به اثنين )=حلفت مايسكن به احد ٍ سواها
لو قربوا له اهل لندن مع الصين= وإلا ديار المملكه مع قراها
ولو جيشوا له جيش كله مزايين = مايقبل إلا من غرق في هواها
قلبي واعرفه صك بابه بقفلين= قفل المحبه مع قفل من حلاها
عهد ٍ علي وانا مشيته من سنين= ما والله امشي مايشوه صفاها
هذي حياتي مالي اليوم دربين= احاول اردم نفسي وابعد خطاها
قصه غريبه بين قلب وهوى عين = والنفس حارت بس هي من بداها

*
**
***
* * * *
تحياتي
ابوفاااارس

الغالي
الشاع
عبدالعزيز البليهي

الله يسعدك ويوفقك بجميع اوقاتك بخير

يسعدني ويشرفني ان اكون اول المصافحين

لهذه القصيده الباذخه واللتي اعتبرها من القصائد

المعبره عن الذات وما يصلها وما تقبله وترفضه من واقع

عاشته الذات قصيده معبره ورائعه بروعت حضورك

يا الغالي فانت شاعر متمكن رغم ان شهادتي لك مجروحه

وما اقول الا صح لسانك وعلا شانك ولا عدمتك


وتقبل تحياتي