|
يوميات عبد الرحمن الدوسري..
بسم الله الرحمن الرحيم مسائكم / صباحكم ورد وفُل :r: حياكم الله في الجزء الثالث من يوميات عضو ... وعضونا اليوم لهذة الحلقه هو الاخ الفاضل / عبد الرحمن الدوسري فليتفضل مشكوراً:e: يللا الدحمي لك المايك :whistling: مع خالص ودي هـــ:e:ـــجوسه |
السلام عليكم ورحمة الله وبركاته والله تفاجأت بالموضوع واشكرك الغاليه هواجس وابشري طال عمركـ على خشمي اليوم والله كنت سهران بالمنتدى والين صلاة الفجر وطلعت اصلي ورجعت في المجلس ولقيت نبض القلب ابها وسولفنا مع بعض الين جا وقت المدارس وركبت السيارة ووصلت الاهل ووصلت عبود قصدي عبدالله اخوي لللمدرسة وعقبها رت طال عمرك للشايب عند الابل وكان عنده ضيوف من خميس مشيط واصب القهوه والشاهي الين جات الساعه 8.30وجاالفطور وادق في هذاك الفطور دقتن طيبه ههه وعقبهارحت البيت وخذيت لي غطه الى الظهر وبعدها قمت وصليت ورجعت انام الى العصر وقوم طال عمرك واجيب اشغال للبيت والوالد موصيني اروح للعمال واشوف وش يبون واقضيهم ورجعت العشاءومن العشاء الى ساعتك المباركة وهذا مكاني في المنتدى اوامر ثانيه طال عمرك؟ |
ههههههههههههه عبد الرحمن يومك ليش قصير غريبه كله تقضي طلبات البيت طيب يااخي قول لنا وش سويت عند الابل غير انك صبيت القهوة على الشياب ؟ |
والله صبيت القهوه وجبت الفطور من البوفيه ورجعت انا وعمر السوداني راعي الابل ورحنا للبيطري نجيب دويه لناقة تعبانه عساه فيني ولافيها ودقيناهاابرهـ وبعدها طال عمرك اتجهت للبيت لان الشيبان اللي عند ابوي يبون يشترون منه ابل ولاادري والله هم اشتروا ولامااشتروا وبعدها للبيت ونومه الى الظهر ومن بعد الظهر تلقينه فوق هواجس موضوعك حلو بس مفاجأ ومشكوووووووورة على الابداع يامبدعهـ |
هههههههه
الاخ عبد الرحمن بكم شريت علاج الناقه وكم عطيت الصيدلي وكم رجعلك وشو الفطور اللي جبته وتراك وديت عبود للمدرسه رجعته ولا للحين با المدرسه شكرااخت هواجس على الاستضافه للاخ عبدالرحمن لواني مشكك بعض الروحات والجيات والف شكر لضيفنا العزيز |
هههههههههههههه.......
الله يرجك يا عبدالرحمن .. يا خي بالع لك شريط .......هههه مشكوره هواجس على الموضوع الممتاز..... و لك الشكر يا عبدالرحمن... |
هواجس
اختي هذا كل يوم ولا بس اليوم اللي شريت فيه ادوية الناقة؟؟؟؟؟ |
عبد الرحمن لا بس يومك اللي شريت فيه علاج الناقه كنا نتمنى انك قلت لنا كل التفاصيل |
ههههههههههه ابشر ي على خشمي ولا وش رايك اقول اليوم هذا احداث اكشن 911هههههه وش رايك تبين تفاصيل هذاك اليوم ولا تبين اليوم بتفاصيه الدقيقة ؟؟ |
اخوي عبد الرحمن ماشاء الله يوم الولد البار
بس نبقى احداث مضحكه اوخرجات مع الشباب يعني حكايات ويوميات شباب ههههههههههههههههههه ادري بتقول والله ملقوفه بس حكينا يعني انت عضو مميز بنعرف عنه اشياء كثبره ممكن |
| الساعة الآن 01:19PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية