|
قصة واقعية... لاتفوتكم
قصه رائعه جدا ًوفيها هدف وكل لبيبٍ بالإشارةِ يفهمُ كان فيه سعودي و كويتي زملاء يدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي ::: قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق اخو الكويتي من الكويت وقال لاخوه ان جدتي توفت فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا لما وصلوا صلوا على الجنازة وقعد السعودي له مدة في الكويت اعجب ببنت جيران الكويتي و قال لزميله اني ودي اتزوجها فرح الكويتي وقال انا مستعد اخطبها لك و فعلا خطبها له وخبر السعودي اهله وسوو الزواج ورجع السعودي لديرته وبعد مدة طويله كبرة تجارة السعودي وطلع تاجر وغني والكويتي خسر كل امواله وتجارته فقال مالي الا اروح لصديقي السعودي اكيد بيساعدني وفعلا راح للسعوديه وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا و بعد مارجع البواب عطى الكويتي شيء من عشى السعودي تخيلوا --------------- فضاق صدر الكويتي وقال هذا جزاء الصداقه المهم وهو راجع رجليه في الطريق لقى رجالين من رجال الاعمال يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون و تاجر بها في السعوديه وقبل ما يرجع للكويت لقى عجوز معاها بنت وقالت له العجوز ابي اخلي البنت عندك واروح احج اذا مارجعت تزوجها وخلها عند ك لما طولت العجوز عقب الحج اتزوجها وسوا حفله الزواج بالكويت وفي اثناء الزواج وكان من ضمن المدعوين زميله السعودي لما شافه الكويتي غضب وقال للحضور اطردوة هذا خاين العشرة والصداقه تخيلوا انه لما جا معي للكويت وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله عشاااااه --------------- تدرون وش قال السعودي....؟؟؟؟ قال اسمعوا واحكموا علي ...... انا يوم جاني الكويتي وهو محتاج ماحبيت اشوفه على حالته هذي عقب ماكان تجار وكبير اشوفه صغير ومحتاج واتفضل عليه بشي من عندي عشان كذا عطيته فضله عشاي وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته اما با النسبه للعجوز اللي معاها البنت فهاذي امي والبنت هذي طبعا اختي وش رايك ما احضر زواج اختي؟ منقول |
يعطيك العافيه ياسلطان بس الي عرفته ان السعودي طلع ذكي وقدها
لاهنت يابعدي |
مشكور يعطيك العافيه........قصه جميله
هذي مش بعيده من قصة المهادي والسبيعي..........الحقيقيه اما هذي الله اعلم بصحتها...........عالعموم استمتعنا بها مشكور ع النقل المتميز |
والله قصه مررررررررررررررة حلوة بد مانسفت في السعودين وما خليت لهم إلا
ههههههههههههههههههه نهايه مرة حلوة موفق بإذن الله ... لك مني أجمل تحية . |
اقتباس:
فالح الفرهود الله يعافيك اسعدني مرورك المتواجد نورت المتصفح |
اقتباس:
سعود الدوسري الله يعافيك اسعدني مرورك المتواجد نورت المتصفح |
اقتباس:
حمرة الورد اسعدني مرورك المتواجد والله يعطيك العافية والله يوفقك تقديري |
الله (( يالروقي )) جميله وتدل على طيبة قلبك
هي قصه مختصره واكيد فيها احداث ماذكرتها ولكن ذكرت اللي هو المفيد) وبصراحه هذي الايام للأسف اقرب الناس ابعدهم:alien:))الا القليل منهم تحياتي لك اخوي |
عاسف الخيل الله يسلمك واسعدني مرورك المتواجد يعطيك العافية نورت المتصفح |
| الساعة الآن 05:28PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية