|
يـانــوت ..؟
وليدة اللحظه .. كماهي بـتـلـقـائيتها وتقليديتها .. وكتابتها الكيبورديه .. لو ضـاق صـدري .. ماتـعـقـّـد حجـاجـي=سماي رحبه وأرضـهـم مـنـتـجع تـيـه أعرف مـتـى يـحـكـم كـلامي مـزاجي=وأعرف متى احكم هالمزاج وطواريه وأعرف من اللي يستحق احـتـجـاجـي=وأعرف من اللي ماعليهم مشاريه وقع الحوافر لو يثير العجاجي= للخيل فرسانه.. وللقوس بــاريــه يـا " نوت " لاصـوت عـقـاب العواجي= له زغردي وأطلق شـنـب منهم أنسيه ماالله خلقنا للـحُـيـِل والمـنـاجي= وقفاتنا .. وقفات ووجيهنا اوجيــه نقبل على وضح النقاء ما أنـجـاجي= ونقفي بـعلمٍ هيبة الفعل تحميه قدامنا مابالطريق اعـوجـاجي= من وين مانمشيه .. نمشيه.. نمشيه واليادخل بوجيهنا الغـر .. لاجـي= نموت من شانه على شان نـحـيـيـه قومٍ الياضـاقـت اوسـاع الفـجـاجـي= كن الشمال صدورهـم والمدى تـيـه أن كبرت القاله وعـز الـعــــلاجـــي=والمجد صـوّت وأعـتـزاء في عـزاويـه شـبوا بروس النايفات الســراجـي=ووردوا قراح العز وأسـقوا ظواميه تدرون منهم .. عـز راسـي وتاجي = ويلان .. ويلان الشموخ ومعانيه مدحي لهم يرفع شعور أبـتـهـاجـي=وكلٍ على ماقيل من دون عانيه وهرج الرخاء يامكثرين المهاجي= يمرنا ماكن الاسماع تــوحــيــــــه اللي يشيل الصوت من برج عــاجـي= قبل القصايد لايـضـيّع مـبـاديــه ويانوت .. لو صـوّت عقاب العــواجي= له زغردي واللي بدربك تـعـديــه |
صالح الضويحي وابداع اخر كفو وسبع انعام بوايل صخ لسانك قصيده لا تحتاح شهاده بها متمكن ما شاء الله لا تحرمنا ابداعكم بين وقت ووقت نشرفت بالمرور وتسجيل اعجابي دمت مبدعاً تحياتي لك رهب |
اقتباس:
لا اخفي أنني مقل جدا وجدا في مثل هذه القصائد ولكن .. يبقى الموقف منطلق القصيده .. رهب كل الشكر والتقدير على مرورك الممطر اسعدني وشرفني ماخطه قلمك هنا .. احترامي |
الاستاذ القدير صالح الضويحي
صح لسانك وقلبك على هذه الشامخة وماهو غريب عليك الابداع في كل حالاتك ومليون نعم ولايسدون بوايل ولاقصور في باقي القبايل كلهم خير وبركه تحياتي وتقديري لك |
صح لسانك استاذ\صالح
وسلمت لنا يمناك قصيده منتهى الروعه يعطيك العافيه على هالطرح تقبل مروري ولك مني كل التحيه |
الغالي الشاعر صالح الضويحي الله يسعدك ويوفقك للهير اسعدني مصافحة هذه القصيده الشامخه بشموخ شاعره والنعم بك وبلابتك وكفو بدون قصور بالباقين قصيده ذات مضمون ومعنى بها من الجمال الشعري والابداع ما يفوق الوصف فانت شاعر متمكن ومبدع وما اقول الاصح لسانك وعلا شانك وتقبل تحياتي |
الشاعر القدير / صالح الضويحي / قصيدة شامخه ورائعة
صح اللسان وسلم البنان يالغااالي .. |
يا " نوت " لاصوت عقاب العواجـي له زغردي وأطلق شنب منهم أنسيـه الله الله صالح الضويحي مليووون صح لسانك .. لاهنت يابعدي , مـاالله خلقنـا للحُيِـل والمنـاجـي وقفاتنا .. وقفات ووجيهنـا اوجيـه , نقبل على وضح النقاء مـا أنجاجـي ونقفي بعلـمٍ هيبـة الفعـل تحميـه , شهادتي فيك مجروحه بشهادة الشعر ,, انت شاعر مختلف تحياتي لك:r: |
وقع الحوافر لو يثير العجاجي للخيل فرسانه وللقوس باريه الله الله على الابداع والشعر الحقيقي والتمكن وكفوا بوايل وسبعة انعام الشاعر الانسان صالح الضويحي غني عن التعريف ولاياتي الا بالجزل لك اسما تحياتي |
اقتباس:
خلف الشلهوب اهلا بك والشكر والتقدير لك على هذا الحضور الممطر سموا والشاهق علوا لاهنت تحياتي لك |
| الساعة الآن 01:26AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية