شبكة رهب الأدبية-ريما محمد السديري

شبكة رهب الأدبية-ريما محمد السديري (http://www.rhb-reema.com/vb/index.php)
-   مساحات أدبية (http://www.rhb-reema.com/vb/forumdisplay.php?f=76)
-   -   شنبك اللي تفاخر به . . . .ترى اللي جابته حرمه (http://www.rhb-reema.com/vb/showthread.php?t=12795)

فزاع 02-18-2009 09:17AM

شنبك اللي تفاخر به . . . .ترى اللي جابته حرمه
 

بسم الله الرحمن الرحيم




أحببت أن أنقل لكم خــاطره أعجبتني حيــل


تصيح تقول يا حرمه ، تحسب إنك تعايرنـي!!
شنبك اللي تفاخر به .. ترى اللي جابته حرمـه

تصدق كذبتك دايم ،، مبـادئ حيـل تقهرنـي
نقص عقلك مع دينك ،، ترى مليت هالكلمـه

يا جاهل فتح عيونك .. يا ويلك لـو تصاغرنـي
غضب ،، تهديد ،، وإستلمّه .. وسمّه اللي تبي سمّه

أنا مليت من ظلمك يا آدم وش تصورنـي!!
أذا إني ناقصه بعينك ،، وداعي منتهي الحكمـه

تراني ساكته بكيفـي ،، نصيحـه لا تفجرنـي
غضب شيطان ما ميز ،، ما بين الخال والعمـه

عيوبي طيبتي وقلبي .. حنان وشوق يجبرنـي
علي عكسك تجي قاسي وكلن راضي بسلمـه

حسافه وقتي الفايت ،، تذكّـر يـوم تِسهِرنـي
علي قولة أنا عاشق وحبك صابنـي سهمّـه

تذكّر يوم لي تركض ،، تقول يا زيـن آمرنـي
علي سنة رسول الله أشيـل الحمـل وآزمّـه

فرحت وقلت هذا اللي أبي في ظلّـه يسترنـي
إذا ضاقت بي الدنيا ،، مسـح دمعاتـي بكمـه

أبي أنسى به الدنيا وأبـي بالحـب يشعرنـي
أبيه يكون لي فرحـه إذا زاد الزمـن همـه

لكن للآسف غلطـه وهـم كـذاب ساورنـي
جزاتي والثمن عمري .. وقتلت بخافقي حلمه




احساس وألم 02-18-2009 09:36AM

نقل جميل .... ونقص عقلها ليس الذكاء والفراسه ... انما المقصود تغلب عواطفها ومشاعرها على الاحكام ...لانها انثى
وهذا مايجملها


الساعة الآن 09:26AM

Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية