طبيت سوق الشعر بجزال وجداد = جواهرً تنظم سوات القلاده
**
** ** ** البرق لاح وسامعً صوت رعاد = عسى المطر يسقي نبات الحماده ويسقي الديار الممحله لين تزداد = بسيلً يشق الأرض قو أزدياده ويعلن حسن كران بأخبار الأرصاد = أن الحيا عم الوطن بامتداده وتباشروا بالخير رعيان الأذواد = وكلً على الركبي يقطب شداده أحدً حدر وأحدً ينوي بمسناد = وأحدً معا ذوده ويسرج جواده وعم الفرح لين أصبحت مثل الأعياد = مدة كريمً يفرح بها عباده والشاعر يعبر ليا جات وراد = معانيً ويحقق بها مراده أحدً ليامنه وصف بالشعر جاد = وأحدً بليا عرف يظغط زناده للعلم روادً وللشعر رواد = وراسي جزيلات المعاني قناده طبيت سوق الشعر بجزال وجداد = جواهرً تنظم سوات القلاده للعد مصدارً وللعد ميراد = والوقت هذا لا يغرك براده ماحدً وصل بدون حربً ولا جهاد = واللي يبي ياصل بحسب اجتهاده والهامه اللي ما تبي عز وأمجاد = نارً ليا شبت تعود رماده ترى الردي ما ينفعه طيب الأجداد = حتى ولو أسمه من أهل الرياده الفود مابه فود وش عاد وش عاد = مادام راضي بالردا والزهاده جعله فدا للي تواقد توقاد = فيه الكرم والطيب والعز عاده اللي يبي ذكره على روس الأشهاد = بالمرجله والفعل يلقى شهاده واللي بنا بيته بلا أطناب وأوتاد = يهزه الغربي ويطرح عماده الشعر ما يرفع بيوتً بلا عماد = ماله مجالً في دروب السعاده ان كنت قصادً ترا فلان قصاد = وكلً على ما قيل يعرف حصاده والدله اللي ما تبهر من قناد = ما نثني الفنجال منها وكاده حنا نعرف النون والقاف والصاد = وكلً على الله يارفيقي اعتماده لانيب ملقوفً ولانيب حساد = أيضاً ولا أحب الردى والقراده والمقفي أقفي عنه مانيب نشاد = والمقبل أقبل له وأرحب زياده واللي يغث الناس ويغث الأكباد = أترك سبيله لين ياتي نفاده حتى ولو نرحل من بلاد لبلاد = ونترك ردي الساس ويا بلاده وراعي المصالح جنبه يابن الأجواد = يضحك بسن وعلته في فواده ومن يبذر المعروف في قلب جحاد = مثل اللذي يسقي بذور الكداده واللي يبي يقنص وللصيد طراد = محدً يصيد إلا بحلم وركاده قلت الكلام الصدق للصدق معتاد = مانيب أحب النقص والا الزياده وبعض المواقف مالنا عنه مقعاد = أما بياض الوجه والا سواده |
ابو ياسر تسلم يمناك رشيد قصيده جزله لشاعر جزل صح احساسك وصح لسان شاعرها تحياتي لك رهب |
ومن قال يسلم ومشكوره يارهب والله يجزاك خير
|
الساعة الآن 08:38AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية