يا بحر جدة والمسا مغري وانا فيني كثير=احمل تعب واحمل عتب واحمل بعد شيّ اجهله

شاعر و اعرف الفرق ما بين المشاعر والضمير=يوم اني غيري ماعرف فرق الحنين عن الوله

إنسان واكثر ما رميت الناس بأشيا ما تصير=مهما رمتني الناس بأشيا مالها فيني صله

شفني كذا تطعني اصحابي وانا دايم بخير!!=دايم بخير وطعنة اصحابي ماهيب المشكله!!

ما احتاج اوضح لك مادام يقودني سلك الحرير=صوب الوضوح اللي كفى غيري فضول الاسئله

واللي تجي مثل العطر او قل بعد مثل العبير=هذيك للأزهار يمّتها تشير البوصله

هي قبلة الورد الحمر في (فيَّ) والا في (هجير)=والغيم يتبعها وراها مدبره او مقبله

لو بعدها لي خير ما ابغى الخير ما فالبعد خير=ولو قربها لي مهزلة انا اشتريت المهزلة

يابحر جدة وان بغيت الصدق هاك من الاخير=اقفت مراحل عمري ولا زلت نفس المرحلة!

اعيش نفس الوضع بالدنيا و متعلق كثير=بين التعب بين العتب في يدين شي ٍ اجهله!

صح لسانك عبدالرحمن السميري
قصيدة مميزة
أبدعت فيها
لك شكري وتقديري