امن الوله جيت لك واسابق اسنينـي=من خوفي اخر سنيني يلحـق اولهـا
يا اللي من اقصى مسافاتي تنادينـي=عطني يدك في يديني لاجـل اقبلهـا
من سحبك الممطره عطشان واسقيني=كبدي على ماك يا بست(ن) بلايلهـا
وان تبتسـم فـا ابتساماتـك تدفينـي=يوم الجليد اعتـرى نفسـي وبهذلهـا
لو كان تبطي بهـا منـاب عجلينـي=ابننتظـر ليـن مـا ربـك يسهلهـا
وخذ كل شئ تبيـه الا نظـر عينـي=من شان اشوفك واغمض وانت داخلها
وتصير صورتك فـي دم الشرايينـي=وامسح بها مجمـل الاحـزان وعللها
الصـورة اللـي تبعدنـي وتدنينـي=انسى غرابيل عمـري لـو اقابلهـا
اقرأك و اضيع مادري وين انا وينـي=من حبـك النفـس ذابحهـا تزملهـا
تكفـى تجمـل وسمينـي وناديـنـي=وتلقى علومي من اخرها ليـا اولهـا
حتى هروج(ن)مجمعها لـي اسنينـي=قدامك اتضيع لو ما قلـت لـي قلهـا
من جملة اللي مضاء هاذي عناوينـي=مهما حصل منك لـي والله مابدلهـا
امـوت وانـا عزيـز ولا تواسينـي=ياما اقشر النفس كيف اتحـب قاتلهـا

المهدي

وخذ كل شئ تبيـه الا نظـر عينـي
من شان اشوفك واغمض وانت داخلها

صح لسانك

ابدعت انت شاعر
مبدع وجميل

تقبل مروري

تحياتي لك

صح لسانك المهدي بن تركي
قصيدة وله جميلة
تقبل مودتي