|
فقر القرايا
ياصديقي كفى لومك كفاني=والله انه ورى صدري حكايا من زماني خذيت اللي عطاني=كف الايام ماقصرمعايا صدمة اقراب وصحيبٍ اناني=وحمل ماشالته حتى المطايا لو تبسمت واتقنت المعاني=وسط صدري من الدنيا خفايا كل مارحت ينطحني زماني=لين مات الامل بين الحنايا خالي الجيب والدين اقتفاني=وين ابروح يافقر القرايا بس انا لوسهم وقتي رماني=شامخٍ فوق بعيون البرايا ماترجيت غير اللي يراني=معطي الناس من جزل العطايا يشبح الشوف لسهيل اليماني=ماجذب ناظري ظلم الزوايا من زمان التعب بعت الاماني=اتجاهل عناوين الوصايا لين بات الامل مثل الثواني=يسرق العمر لعيون المنايا ياصديقي ترى صمتي حكاني=لين الافواه ردت من ورايا |
الغالي الشاعر سعيد العمودي الله يسعدك بجميع اوقاتك بكل خير اسعدني ان اكون اول المصافحين لهذه القصيده الباذخه واللتي اجدك ابدعت بصياغتها من جميع الجوانب مضمونها وسبكها فانت شاعر مبدع وما اقول الا صح لسان وعلا شانك وتقبل تحياتي |
. . . . صح لسانك سعيد العمودي.. سعدت جداً كوني اول عضو يصافح هذه القصيدة التي تجسد معاني قيّمة يحرص الانسان على عدم المساومة عليها.. باقات من الشكر لقلمك. . . . . |
الشاعر القدير
سعيد العامودي صح لسانك واحساسك قصيدة رائعه كما تعودنا من شاعر بشاعرتيك جميلة وعذبه تقبل مروري وتحياتي |
سعيد العمودي
صح لسانك وعلا شانك ولا هنت اخوي أبيات كما ننتظرها بروعتها من سعيد العمودي لك مني التحية والتقدير والاحترام |
سعيد العمودي
صح الله لسانكـ تقديري |
اقتباس:
لك كل الود |
::
سعيد لا يمكن ان تمر قصيدة بهذه الطريقة مرور الكرام قصيدة مليئة بالشعر والألم والكرم برغم حديثها عن الفقر! كرم في الاحساس، وهذا مايجعل من الشعر ثروة وثورة في آن. تقبّل مروري من هنا لك مني اجمل التحايا |
الشاعر / سعيد العمودي / قصيده جميلة ..
سأختزلها في مفضلة الذاكره / شكراً لك يا شعر .. وتقبل خالص الدعوات بالتوفيق .. |
صح لسانك قصيدة فيها من المعاني الرائعة الشي الكثير اشكرك يالشاعر سعيد العمودي |
| الساعة الآن 09:39PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية