سبحان من بمره تكـون الغيومـي=مسق اديـار المسنيـه بالسحابـه
اللي فرق بين القمـر والنجومـي=ورسل رسوله للبشر فـي كتابـه
اللي له المسلـم يحـج ويصومـي=ويرجي منه عفوه ويطلـب ثوابـه
شديد بحسابـه لطيفـآ رحومـي=في عبده اللي خالقـه للتجابـه
والدايـم الله والبشـر مايدومـي=والرابح اللي سالمـآ مـن عذابـه
والخلق فيهـا موفقـآ ومحرومـي=ورزقن من الله ماحدن صك بابـه
كم طيبآ عقب عيال(ن)رخومـي=وكم من شجاعآ طالع(ن)من خرابه
رجل(ن)تحسبه ذخر وقت الزومي=ويقض الزوم وله حساب ومهابه
ورجل(ن)يزينه الحكي والعلومـي=:وقت الرخا ذيبـآ يكشـر بنابـه
ولا يلبس الا غاليـات الهدومـي=وبالحكي محدن حول حضرت جنابه
ولا سمع بالفزعه وطريـا هجومـي=في وقت غفله نس محـدن درابـه
ورجل(ن)بحر كل(ن)بوسطه يعومي=ومن لا حسب لحساب موجه غدابه
ورجل(ن)ونيس ولربايع خدومـي=وماتطلب الحرمه على طول جابـه
والمال لو كرم عيـال الرخومـي=القـل ماعيـب عيـال الذيابـه
وكل الطيور لها جنـاح وتحومـي=وبالريش ولجنحـان فيهـا تشابـه
وفي وسطها نادر وباشك وبومـي=والحر منها كـل رجل(ن)شقابـه

الغالي
الشاعر
خليف الوهيداني

الله يسعدك بجميع اوقاتك بخير

اسعدني ان اكون اول المصافحين

لقصيدتك الباذخه اللي كلها تجربه

وتصوير للرجال الفاعلين والغير فاعلين

شاعر متمكن ولك باع طويل ومبدع

وما اقول الا صح لسانك وعلا شانك


وتقبل تحياتي