شبكة رهب الأدبية-ريما محمد السديري - ويامهـبـط الـوحـي والاســـلام عـنـوانـه

بـديــت بـســم الله المـعـبـود سبـحـانـه = مــــــلاك الارواح والــدنــيــا ومـافـيــهــا
بديـت بسـم العظـيـم المعتـلـي شـانـه= الــلــي بـلـيــا عــمــد ســمــاه بـانـيـهـا
مــكّـــون الارض وجــبــالــه ووديـــانـــه = وبـايـديــه الارزاق يقـطـعـهـا ويعـطـيـهـا
اللـي وهــب لآدم ابــو الخـلـق غفـرانـه = ومنـه طلـب عفـو نفـس ابليـس مغويهـا
وخلـق مـن آدم بشـر بالكـون وأوطـانـه =مـنـه خـلـق خـلـق يـرزقـهـا ويكسـيـهـا
ومـفــرق الـخـلـق باشـكـالـه وبـالـوانـه= والـنـفـس يـعـلـم برغـبـتـهـا وخـافـيـهـا
مــنـــزل بـافــضــل الايــــــام قـــرآنـــه = وأمــر رسـولــه عـبــاده فـيــه يدعـيـهـا
يـامـر بديـنـه ووضــح خـمـسـة أركـانــه = وصـلاتــه الـلــي لـــه عـبــاده تصلـيـهـا
ومـن بعـد ذكـره نقـول الشـعـر قيفـانـه= قيـفـان شـعـر(ن) لـــدار الـعــز ناقـيـهـا
ولـهـا الـغـلا عــود جــاوي فــاح دخـانــه =أبــلاد مــن فــي أصــول الـديـن بانـيـهـا
الـلـي بـشـرع الله المعـبـود سيـسـانـه = دسـتـورهـا الـديــن والـقــرآن قـاضـيـهـا
الـلـي قـبــل جـيـتـه بالـظـلـم غـرقـانـه =الـديـن فـيـهـا جـهــل والـفـقـر واطـيـهـا
ومــن الفـقـر يـنـهـب الـرجــال جـيـرانـه= مـن الجهـل كـل طــرق الـديـن ناسيـهـا
ومن قلـت الامـن تمـس النـاس زهقانـه= تمـسـي وتصـبـح بـهـا الـنـاس أبلاويـهـا
وركــز بـهــا كـــاره الا ســـلام نيـشـانـه = وهـدافـه الـلــي يبـيـهـا كـــان لا قـيـهـا
يـابــي يـواصــل بتخطـيـطـه وكـتـمـانـه = وهــويـــة الــديـــن يـفـنـيـهـا بـهـالـيـهـا
لـكــن مــمــداه يــومــه جــــاه ديــانــه =هـــدم نـوايــن قـبــل بـالـديــن نـاويـهــا
وسكـر بـهـا الـشـر فــي يمـنـاه بيبـانـه= يمـنـآ لـفـت بالـكـرم مــن فـعـل راعيـهـا
ومــن الشجـاعـه وزود الـعــز وإيـمـانـه= وهـقــوات نـفـسـآ ماغـرتـهـا هـقـاويـهـا
ونصـر مـن الله صــار الشـعـب صدقـانـه = وســاروا ورى دعــوة عــز(ن) مبـاديـهـا
ورى مــن الممـلـكـه رمـــزه و عـنـوانـه=الـلـي رفــع مستـواهـا وعـــز أهالـيـهـا
عبـد العزيـز آل سعـود وسـيـرة ازمـانـه= تشـهـد لــه الــدار حـاضـرهـا وماضـيـهـا
دار(ن) مـن أفعـال كفـه تـقـل شيهـانـه = شيـهـانـة مـاخـسـر بالـصـيـد شـاريـهــا
شيخ(ن) عسى جنة الفردوس مسكانه = ونفسـه عــن الـنـار جـعـل الله يحميـهـا
حـر(ن) وخـلـف حــرارآ شانـهـم شـانـه=ماغـيـروا سـيــرة الـشـيـخ ومماشـيـهـا
زادوا علـى الخيـر خـيـرن فــوق بنيـانـه =أملـوكـنـا الـلــي كـريـمـات(ن) يمانـيـهـا
والـيــوم عــهــدن لـعـبــد الله وخــوانــه = بـرواحـنـا الممـلـكـه والــمــال نـفـديـهـا
ونفدى مليك (ن)ماننسـى دمعـة عيانـه= لابـنــا الـوطــن يـــوم ينـعـاهـا ويبكـيـهـا
وبالخـيـر فعـلـه وصــل لـنـاس فـقـرانـه = وسـيـاسـتـه كـــــل خـلــقــه الله تـحـيـيـهـا
وولــي عـهـده يمـنـيـه طـالــت ايـمـانـه=طيـبـه عـلـى الـنـاس قاصيـهـا ودانيـهـا
وكـل (ن)شـهـد لــه بتقـديـره وعرفـانـه= ماتنحـصـى نــاس مــن مـالــه يـداويـهـا
ونايف عيونـه علـى أمـن الـدار سهرانـه =نفسه على راحة أهـل الـدار مشقيهـا
الله يـجــازيــه بـالـخـيــرات وأحـســانــه=الـلـي أهــل الـديـن مايخـلـف منـاويـهـا
وبالعـدل والشـرع حكمـه بالفعـل صانـه= دامـــت حـيـاتـه وطـابــت لـــه ليـالـيـهـا
وياللـي تبـثـون هــرج(ن) مـالـه الخـانـه = ودبـلـتـوا اكـبـودنــا بـكـلـمـات نـوحـيـهـا
والله لتفـنـى البـشـر شـبـه ويشيـبـانـه = وتفـنـى الـعـذارى مـــن أولـهــا لتالـيـهـا
ماتجيـب مثـل السـعـود رجــال بطـرانـه =الـحـكـم مـاهــو مسلـطـهـا ومطـغـيـهـا
وادار بفـعـالـهـم صــــارت تــقــل دانــــه = وعــلــى الـمــعــزه مـبــنــاةٍ مـبـانـيـهـا
وزاد الـتـطـور وغـــاب الـفـقـر وجــدانــه = عـقـب الـدهـر ســال بالخـيـرات واديـهـا
فــي كــل عـامـآ يـزيـد الـــدار عـمـرانـه= وتــوســع الــطــرق وتــــزود كـبـاريـهــا
كلـه علـى شـان شـعـب الــدار وآمـانـه = دار الـكـرامــه عــســى مالله يـخـلـيـهـا
دار(ن) غلاهـا سـكـن حـضـره وبـدوانـه = مافيـهـم الـلـي مـاهـو بالحـيـل يغلـيـهـا
ويامهـبـط الـوحـي والاســـلام عـنـوانـه = وقبـلـت صــلاة العـبـاد الـلــي تصلـيـهـا
يـامـوطـن الـديــن والمـظـلـوم مـزبـانــه = لا قــام نفـسـه خـطـا الـعـدوان يكويـهـا
اللـي يسبـك عسـى الله يقطـع لسانـه = وعسـى حيـاتـه بـهـم وضـيـق يقضيـهـا
وبيت(ن) على الدين ثبت ساس جدرانـه= وأهـلـه عـلـى الـعـدل والـيـهـا مربـيـهـا
يـمــوت رجـالـهــم مــاشــاف حـقـرانــه = ونـاس(ن) بالافعـال تــرض الله يرضيـهـا
وأمـيـرنــا طــفـــرت الــدمـــام بـرهــانــه = لابــن فـهـد تشـهـد وتشـهـد ضواحـيـهـا
وشـرق البـلـد والبـلـد يشـهـد وسكـانـه= بفعاله اللـي علـى الشاطـي مسويهـا
والنـايـب الـلـي وصــل طيـبـه لعـربـانـه =أفـعـول طيـبـه مـحــد بـالـعـد يحصـيـهـا
ابــن جـلـوى والـعـدل والـحـق مـيـزانـه= أصـعـب قضـيـه عـلــى يـمـنـاه ينهـيـهـا
مـثـل المـطـر فزعـتـه لا هـلـت أمـزانـه = تـفـرح بــه الـنـاس والاشـجــار يحيـيـهـا
ليـا كسـا الارض فــي سيـلـه وغـدرانـه = يشـفـي نفوـسـآ شـقـى الايــام طاويـهـا
وبـبـلادنـا مـانـطــاوع نــــاس مـرضـانــه = نـاس(ن) طغاهـا عـن الايـمـان معميـهـا
وقلـوبـهـا بالـحـسـد والـحـقــد مـلـيـانـه = ونفـوسـهـا أبـلـيـس بالـفـعـال مغـويـهـا
نـاشــآ عـلــى مـــن رزقـــه الله مـنـانـه= رزق البـشـر تـقـل يـدفـع مــن مخابيـهـا
وعنـد الشهـاده يبـيـن الـرجـل وبيمـانـه = أحــدن يـقـول الحقيـقـه واحــد يخفـيـهـا
تكـفـون يـأهـل الـبـلـد أقـفــوا لـعـدوانـه= لـعــدا بـــلاد الاســـلام ومـــن يـوالـيـهـا
الله يـعــز الــوطــن والــديــن وعــوانــه =ويكـشـف خفـايـا الـعـدا الـلـي تعـاديـهـا
لـدار(ن) عليهـا نفـوس الخلـق شفقانـه = والـعـمـره وحـــج بــيــت الله بـراضـيـهـا
حـنـا فـداهــا ان قـــام الـحــرب نـيـرانـه = وروح مـــن شـانـهــا لـلـمــوت نـهـديـهـا
اخترت لـك مـن حزيـل الشعـر وسمانـه = مـثـايــل بـعـظـمــة الآ لـــــه بـاديــهــا
ولــحــط الـشـعــر ورمــــاي نـيـشـانــه = أرم الاشــــاره وبــــآذن الله ماخـطـيـهـا
صــلاة ربــي عـلـى مـحـمـد ورضـوانــه = عــلــى مـحـمــد والـــــه دوم نـثـنـيـهـا