>>الدنيا ..تبي والاخرة تبي ..)

وإلى متى والواحد .. لايتزيّن .. ولايكشخ ... ولا يزبرق عمره !

وش فرقي عن ( الحميدي ) يوم انه يطقّ العقال المايل - مالت عليه بقعا - ولبس ثوب أبو أزارير فضيّه .. ولبس كنادر كعب لماعيه .. واعرس !

وش فرقي عن ( علي ) ولد المنفهق .. يوم انه " حفّ " الشنب ... وضبّط الشعر .. وحف حواجبه !

وش فرقي عن ( سمير ) ولد الساحر .. يوم انه يمرّ " البنشري " وياخذ منه شامبو " سيجنال تو " وفرشاة أسنان .. وصار كل ماشافني .. فتح كشرته علشان أشوف أسنانه تلامع !

وش فرقي عن هالناس اللي كل يوم رازّه عمرها .. وتمشي حبّه حبّه في الاسواق وعند مدارس البنات!

اليوم .. ببشّركم ببشاره .. زرقت للحلاق .. وقطيت على العامل وقلت : شوف .. ضبط شعري .. أحلق الشين .. وخلّ الزين ! ... ورّاني ( ثلاث صور ) ! .. قال [ تخيّر أي شكل تبي ] .. أخترت أملحهم .. ! .. قال ( سكّر عيونك ) .. سكّرت ... شوي عطاني طرااااااح وحده في رقبتي .. وقال ( أفتح ) .. فتحت عيوني .. شوي إلا واطقّها " ابتسامه " .. ماصدّقت اللي شفته !

( هذا أنــــا ) .. اثر الحلاقه تلعب دور !
وانا اشوف الايطاليين مماليح اثراهم من حلا قتهم !

وبِما أنكم ناس غالين علي .. فاليوم بنزّل صورتي بالمنتدى .. وأشيل صورتي الأوّله .. !

يكفي فشيله بشعري الأوّل .. ويكفي " احتقار " المماليح لي .. هاللي يشوفوني بطرف عيونهم - عساها تفضخ - !

أنا داري أني " بانتشر " في البلوتوث ... وبتصيرالناس تستغل صورتي في أمور ( دنيئه ) وحركات ( مُش ولابُد ) ! .. لكن تراي ما راح اسامح أحد إذا صار يستغلني في شي حرام !

من اليوم وطالع أبي كل من شاف صورتي في المنتديى .. يستانس وينبسط .. !

أبي كل من دخل مواضيعي ( يجلس يطالع في صورتي ربع ساعه .. وفجأه .. وبِلا إراده يسيح على الطاوله ! )

مما : نال استحساني