البارحه غيمة همـوم وهواجيـس=في دار فكري عند سـرد القصيـده
أدعو بربي وأتعّـوذ مـن ابليـس=ومن شر حاسد لى تنـوى مكيـده
ومن ميلة الدنيا وكثر الوساويـس=ومن بورة الخوة وحـزن الفقيـده
أجذب ونيني من حنيـن المعابيـس=العـد ظامـي والقوافـل بعـيـده
فأشعلت من ظلما حياتي فوانيـس=والله يفعـل كـل أمــرٍ يـريـده
وتذعذعت عقب المسافه نسانيـس=اتّذكـر العاشـق بريـمٍ طـريـده
حب النقا يبقـى نقـا دون تدنيـس=يبقى كـذا يعنـي كـذا بأستعيـده
حبر القلم من فوق بيض القراطيس=ترجم غلاهـا ثـم تنّحـر نشيـده
فأجمل قصيده من قصيد امرؤ القيس=لاجمل غزالٍ بالوصـوف الفريـده
للي حسنها قـد تعـدى المقاييـس=فتنة نظر يابـو العـزوم الشديـده
سود العيون اللي نظرها نواعيـس=لأسلهمت طاح الحصـان وعقيـده
الرمش الايمن من حضارات بلقيس=والرمش الايسر سحر بابـل يعيـده
ضي الخدود اللي حوت نور تغليـس=نور الصبـاح اللـي تقفـاه عيـده
لا طبت الميدان تملـك الاحاسيـس=مهرة حسن والحسن يسبي عبيـده
ان أقبلت قفـت حيـاة المتاعيـس=وان دبّرت ويـن الحيـاه السعيـده

مهدي بن حويل
صح لسانك كانت قديم او جديد جزاله وتصوير ابداعي
حب النقا يبقى نقا دون تدنيس
يبقى كذا يعني كذا بأستعيدهـ
حبر القلم من فوق بيض القراطيس
ترجم غلاها ثم تّنحر نشيده
الله الله
تحياتي لك ودام نبضك
رهب