الـبـارحــة قـلـبــي تــزايــد بــلاويــه=ودمـوع عيـنـي فــوق خــدي جـرايـا
بـلاي هـم(ن) داخـل الـصـدر كانـيـه=كانـيـه بالسـرجـوف تـحــت الحـنـايـا
ذالي ثمان سنيـن محـد(ن) درى فيـه=صـبـرت لـيـن الصـبـر بـيـح خـفـايـا
صـبـرت لـيـن الـهـم بـانـت مـواريـه=وتفجـرت وســط الضمـيـر الشظـايـا
مـن حـب رعبوب(ن)يحيرالنظرفيـه=ماظـنـتـي فالـبـيـض مـثـلـه صـبـايــا
حـبـه بـوسـط القـلـب عـمـر مبـانـيـه=بـانـي لــه بقـلـبـي قـصــور وقـرايــا
ضيعت عمري ياعـرب فـي رجاويـه=ويوم(ن)بـغـيـت مـواصـلـه ماتـهـايـا
مديـت لـه يمـنـاي وأعــرض بيـاديـه=ومــن يومـهـا ذقــت الشـقـا والعنـايـا
قالـوا لـي إنسـه قلـت مانـيـب ناسـيـه=مـا أنسـاه ليـن الـدود ينهـش عضـايـا
قــالــوا حـلــيــه واجد(ن)تـبـتـلاقـيـه=قلـت اسمحـوا لـي مـال خلـي حـلايـا
قلت اتركوا سيل الهوى فـي مجاريـه=لوكنـت مخطـي جايز(ن)لـي خطـايـا
طعـم العسـل مايعرفـه كــود راعـيـه=ومـن لايـعـرف الـحـب مـالـه حكـايـا
الحـب بلـوى مـن لـجـى فـيـه يشقـيـه=يضـيـع رايــه مــا يـجـيـب الـحـرايـا
ماتونـسـون الـلـي بـجـوفـي أعـانـيـه=امـن الهـوى ذقـت الهـجـر والجفـايـا
جمر(ن)بصدري يحرق القلب صاليه=كنـه يشـب بـروس خوص(ن)خـوايـا
ينـتـل قلـبـي كــل مــا حــل طـاريــه=تـــل الـرشــا لـلـدلـو بـــام الـركـايــا
وياعيـن هلـي وأنثـري الـدمـع هلـيـه=هـاتــيــه كـــلـــه لاتــبــقــي بــقــايــا
هاتـيـه ياعـيـن الشـقـا الـيـوم هاتيــه=هاتــيــه يـاعـيــن الـعــنــا والـشـقـايــا
وإن كـان بـه دمعـه بقـت قبـل اخليـه=وقـت الـوداع اجـمـل وداعــي بكـايـا
صحـيـح ذل وسـبــة الـــذل نـرجـيـه=لـجـل الـهـدف سـامـي ولا بــه دنـايـا
يـانـاس هــاذي قصـتـي يــوم أنـاديـه=واللي حصل لـو زعلـت النفـس رايـا
مـا حد(ن)يغيـر راي ناس(ن)تجافيـه=لوطالـت المـدة عـلـى اهــل الحمـايـا
الله يسهـل لــه طريق(ن)مـشـى فـيـه=وانــــا عـلـيــه الله يـجـبــر عــزايـــا