|
محاورة بين عبدالله بن عريمة والشاعر الكبير نايف البدراني
عبد الله بن عريمة ,, ياسلامي على اللي ينطحون المغيره=البسوس انتهت ؟ .. ولاّ اشعلتها الحميه هيه يافارس الميدان ,, شل الذخيره =ياصبي الدواااسر تغلب .. وزايديه ــــ----------------------------------------------- نايف البدراني أنتظرتهم معك وتأخروا وتقدمت بالنيابه عنهم مرحبا والكبيره يبن عمي صغيره=سوقها مير جنبها الخطا والخطيه شاعر الملعبه يديرهـا ماتديـره=مثل مايدير راعيها شئون الرعيه ---------------------------------------------- عبدالله بن عريمة ارررحب يانايف البدراني وكفو وتنوب مرحبا يابن عامر ,, والمعاني غزيره=ونت خلك على المعنى عزومك قويه يابن عمي عسى في الامر خير.ن. وخيره=تالي الوقت قام الرجل يلعن خويه --------------------------------------------------- نايف البدراني تسلم تسلم البقا ياولد من قاد كـل العشيـره=وأبشر أنا على الجره نحث المطيه البلاوي على ماقيل في كل ديـره=والقدا والخطايا حد شمس(ن) وفيّه ---------------------------------------------- عبدالله بن عريمة الفتى زرقته ماهيب تنصى قصيره=مسلم.ن. متبع دينه وسنة نبيه البلاوي تناطحها الوجية الشريره=يستحق الشحم والهيل والشاذليه ---------------------------------------------- نايف البدراني الله الله مايجيب الجريره غير راع الجريره=والعقايب على رأسه تجيه أضحويه مير ليه الركايب فالمبارك محيـره=سوقها للمفالي وسط نجـد العذيـه --------------------------------- عبد الله بن عريمة ياسلاااااام ... ياسلاااااااااام ... طيب يانايف اشغلتنا عبير وحطمتنا سميره=كل ماشفتها تختال في المسرحيه يابن بدراان تسبح في البحور الغزيره=والنوايا يابن بدران ماهي صريه -------------------------------------------- نايف البدراني الله الله البنادم يبـن عمـي لسانـه سفيـره=لو يزّل والله أن يفصل من الخارجيه دام هي في ضميره خلها في ضميره=من يعاقب على النيات رب البريـه ------------------------------------ عبد الله بن عريمة الله .. الله .. تسلم .. تسلم ياخوال الملوك ملوك نجد الشهيره=نفتخر بالنسب واللابة الدوسريه سيف ابوزيد مبطي ماتعدى جفيره=وانت لا تلحق القصيا وتزعل عليه __________________------------------------ الله .. الله .. تسلم .. تسلم ياخوال الملوك ملوك نجد الشهيره =نفتخر بالنسب واللابة الدوسريه سيف ابوزيد مبطي ماتعدى جفيره=وانت لا تلحق القصيا وتزعل عليه -------------------------------------------- نايف البدراني الله الله ماعليك زود ولاعاد وراي شي ذخرنا أنتم ونعم الذخر نعم الذخيره=يوم كل(ن) يفاخر في ربوعه وحيّه الموظف وش ألي يزعله من مديره=يامدير(ن) لو ندّور مانلقى حليـه ----------------------------------------- عبد الله بن عريمة تسلم يانايف ... وماقصرت ... انت خطيت خطة يابن عامر خطيره=كنها مثل خطة "عامر" العسكريه ونت شاعر مخضرم ولا عليكم قصيره=ماتهاب المخاطر ولا تهاب المنيه ---------------------------------------------- نايف البدراني انت منهو بعج للخطة المستديره=ياولد ناصر البعاج مدري سميه ؟ والقوافي تراها بين ورد وصديره=دام حنا على الارضين بالجاذبيه |
الغالي الشاعر عبدالله بن عريمه الله يسعدك ويوفقك محاوره جميله وقويه بين شاعرين كبيرين بيض الله وجهك على نقلها لنا لنتمتع بها دامت بخير وتقبل تحياتي |
صح السانك يا ....وصح السان محاوره غاية الروعه...يعطيك العافيه
تقبل مرووري |
محاورة بين البدراني والودعاني
جمعت بين التاريخ والابداع والجزاله والاصاله |
صح لساااانكم
يا لاد زايـــــــــــــــد ولاهنتــــــــــــــــــــــــــــــــــــــــــــ ــــــو |
مرررحبآ
ب / ابن عريمه و البدرآني جدا جميله المحآورة ورآيقه صح الله لسآنكم ودآم نبضكم لاععدم |
الله عليكم أبداع وإمتاع تقبلوا فائق إحترامي |
ماشاء الله تبارك الله ,, الله لايضـركم
قيفان تجاوزت الابداع بالنقض والفتل والفكر الجزل ,, صح الله السنتكم جميعا ً ولاهنتـم ,, ولكم خالص تحياتي ومتابعتي ,, |
سفير المعاني حياك الله ولاهنت على الحضور
|
الله عليكم محاوره رائعه وابدعتوو ..
صح لسانكم ولاهنتووو الف شكر لكم |
| الساعة الآن 10:49PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية