|
اركد تركّد يابحر ركّد امواجك=قافيك ليلن ضلامه اسودن داجي
السلام عليكم ورحمة الله وبركاته
هذي اول مشاركاتي واتمنى ان تنال اعجابكم وهي عباره عن قصيده غزليه اقول فيها:
اركد تركّد يابحر ركّد امواجك=قافيك ليلن ضلامه اسودن داجي وان بان جرحك علي ادور اعلاجك=وان بان جرحي عليك تدور علاجي لكن انا عارف دروبك وين منهاجك=والا انته تغرك دروبي وين منهاجي اعرفك ياموج وابخص فيك وافواجك=افواج سهله ومر تهوّل افواجي لبى حجاجن غطى عليك وحجاجك=سودن ضليله غلاها فالحشى لاجي فياحبيبي فوادي دوم محتاجك=من شاف زولك وهو ينقص و محتاجي لمحت زولك وياحلوه تبلاجك=بدرٍ منور يشق الليل فلاجي اخليتنا القلب لك واشعلتنا سراجك=واغضبت من كان بك عاذل وهراجي اوثقت سجني وحكّمته ورى سياجك=سجنٍ مؤبد وكني بالفرج ناجي وانته غناتي من الدنيا وانا تاجك=وانا غناته من الدنيا وهو تاجي وسلامت الجميع ... |
أرحب يابو راشد
وحياك الله بين اخوانك وصح والله لسانك قصيده ذات شكل غير وقافيه جميله لك ودي وتقبل مروري ودمت بود |
وأنت سالم أخوي هادي
قصيدة رائعة بكلمات لطيفة صح لسـانكـ تقبل تحيتي وياهلا فيكـ \ \ العطــــاويه |
صح الله لساااانك واحساااسك
اخوي هادي بن راشد قصيدة رائعة وجزله وعذبة المعنى الله يعطيك العافية عليها وعلى ماطرحته لنا من عبق مشاعرك واحاسيسك ننتظر جديدك والمزيد منك تقبل مروري وتحياتي |
هادي الرجباني
حياك الله أخو للجميع قبل أن تكون عضو وصح لسانك وعلا شانك ولا هنت قصيدة من الوزن الثقيل والمفعم بالجمال والروعة ننتظر منك المزيد ولن نرضى بأن تطيل انتظارنا لك مني التحية والتقدير والاحترام |
صح لسانك اخوي هادي ويعطيك العافيه ,,,’’’’,,,
|
وعليكم السلام ورحمة الله وبركاته
ياهلافيك الشاعرالقديرهادي بن راشدالرجباني صح لسانك وعلى شانك على هذه القصيده الجزله بعذوبتها الرائعه والمفعمه بالجمال الراقي كل الشكروالتقدير لشخصك الكريم وفقك الله ورعاك ودمت بحفظه |
ارحب ارحب ارحب ارحب ارحب ارحب اخوي هادي ارحب والله ان ترحب وصح لسانك ياابو راشد واشكرك على تلبيتك الدعوه في المنتدى الشامخ اخوك مشبب الدوسري |
الغالي الشاعر هادي الرجباني كل عام وانت بخير قصيده جميله بحضور اجمل وصح لسانك وعلا شانك وتقبل تحياتي |
اقتباس:
هادي بن راشد صح لسانك .. وكل مامنك رائعه .. واكثر دمت بخير |
| الساعة الآن 10:48PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية