|
نـسـيـر وســـرار الـلـيـالـي خـفـيــات
دنيـا بهـا لـو ننبسـط خمـس ساعـات = لـضـيـق والـهـاجـوس فـيـهـا رجـعـنـا مامـن مشاكلـهـا هــروب وسـلامـات= ومـن كثـر هـرج النـاس فيهـا شبعـنـا نشـره وتلحقنـا مـن النـاس شرهـات = ويامابهـا فـي بـعـض الاخـطـا وقعـنـا مــن دون قـصــد وركبـتـنـا مـلامــات = وجبنـالـهـا عـــذر الصـحـيـح ونـفـعـنـا وذقـنـا مــن الايــام صفـعـه ولـوعـات = ومعـهـا جـبـر حـنــا مشـيـنـا وطـعـنـا فيـهـا مشيـنـا بالـظـروف الصعـيـبـات = مــع كـــل دربـــآ للمـعـوشـه نـزعـنـا ويـامـا تلقيـنـا مــن الـنــاس فـزعــات = ويـامــا لـنــاس بـمــا قـدرنــا فـزعـنـا ويامـا سمعنـا مــن عـلـوم ودعـايـات = حـطـت عليـنـا وتـقـل ملـهـا سمعـنـا وبالتجـربـه خضـنـا بـحـورن غـزيــرات = وفيهـا خسـرنـا بالـشـرا مــن طمعـنـا هـاذي حيـات النـاس ربـح وخسـارات = يــامــا حـصـدنــا بـالـحـيـاه وزرعــنـــا يـامـا شريـنـا مــن مـواتــر جـديــدات = وفــي سقـوهـا حـنـا شريـنـا وبـعـنـا ونسعا لكسب المال في كـل الوقـات = كـم طرقتـآ لـجـل المكـاسـب قطعـنـا ونفتـح لنـا حسـاب ورصـيـد وبطـقـات = ويـامــا ضـربـنـا بالـحـسـاب وجمـعـنـا نـسـيـر وســـرار الـلـيـالـي خـفـيــات = ولـجـل عـنــد الـلــي لـوجــه ركـعـنـا ونـخـذ مـشــوره ونـتـعـدا مـشــورات = ونـعـرف مــن الـلـي نتبـعـه لا منعـنـا احـدن علـى شـانـه ماشيـنـا زيــارات = ويزتـاد بــه مــن طـيـب فعـلـه ولعـنـا واحــدن لــو أنــه مالـكـلـه مـحـطـات = عـنـه نجـنـب لـــو عطـشـنـا وجـعـنـا ولـو الـردي يملـك فـلـوس وعـمـارات = وغـنـا رجــل بالخـلـق عـنـه أرتفـعـنـا لــو صابـنـا فـقـر وجـفـاف ومجـاعـات = نقفـي عنـه لــو كــان عـنـده سنعـنـا ونخاوي اللـي لـه مـع الطيـب عـادات = لــو الفـقـر فــي درب واحــد جمـعـنـا الـبـارحـه مـــرت ولـــو ليـلـهـا فـــات = مـن ماحصـل فيهـا وشفـنـا أنوجعـنـا في مجلسآ في صاحبه عشر(هبوات = يـالـيـت ربـــي عـــن مـمــره منـعـنـا |
الشامخ الشاعر القدير/ خليف الوهيداني.
والله بدون مجاملة ( من زمان ماقريت شعر) نص يلامس الجميع بعاطفة جياشة فيها من الصدق مايكفيها.. من خلال صيغة الجمع يسلم فكرك ولله درك تقبل إعجابي وتقديري. |
اقتباس:
ولاهنت ومرورك يشرف يالقرم لك احترامي |
البارحه مرت ولـو ليلهـا فـات من ماحصل فيها وشفنا أنوجعنـا في مجلسآ في صاحبه عشر(هبوات ياليت ربـي عـن ممـره منعنـا قصيده رائعه وشاعر ممتع صح السااااااااانك تحياااتي لك |
الغالي الشاعر خليف الوهيداني الله يسعدك كما اسعدتنا بحضورك قصيده من القصايد الصادقه بمحتواها والجميله بسبكها ومعناها ورائعه بطرحها انت شاعر متمكن من عسف الابيات ومبدع صح لسانك وعلا شانك ولا خلا ولا عدم تقبل تحياتي |
ياسلام عليك يالوهيداني قصيده جميله
صح لسانك مليون ولا يكفوت |
بيض الله وجهك وصح السانك
|
اقتباس:
ومشكور على مرورك ولاهنت على ماخطه قلمك هنا كل عام وانت بخير |
الغالي
قصيده رائعه صح السانك تحياتي |
اقتباس:
هلا بك ومرورك يهمني واسعد بارؤئت اسمك هنا لا انها وسام لي لاهنت ولك احترامي |
| الساعة الآن 01:47PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية